Innlent

Há­tíðni­órói bendi til loka hlaups í Gríms­vötnum

Bjarki Sigurðsson skrifar
Grímsvötn árið 2021.
Grímsvötn árið 2021. Vísir/RAX

Vatnshæð í Gígjukvísl hefur verið stöðug frá því í nótt sem bendir til þess að rennsli ánni sé í hámarki. Aukinn hátíðniórói bendir til þess að hlaupinu sé að ljúka.

Þetta kemur fram í tilkynningu frá Veðurstofunni. Þar segir að búast megi við því að rennsli þar fari hægt minnkandi næstu daga þar til hlaupinu svo lýkur. 

„Frá miðnætti 15. janúar hefur jarðskjálftamælirinn á Grímsfjalli sýnt aukinn hátíðnióróa, en hann er talinn tengjast suðu í jarðhitakerfinu í Grímsvötnum sem gjarnan kemur fram í lok jökulhlaupa. Sambærilegur órói hefur mælst í síðustu Grímsvatnahlaupum sem ekki hafa hleypt af stað eldgosi,“ segir í tilkynningunni. 

Ákafrar aukningar í skjálftavirkni myndu mælast ef til eldgoss kæmi í Grímsvötnum en lítil skjálftavirkni hefur verið á svæðinu. 

„Veðurstofan mun ásamt vísindamönnum Jarðvísindastofnunar Háskólans halda áfram að fylgjast náið með Grímsvötnum,“ segir í tilkynningunni. 

Grímsvötn Vatnajökulsþjóðgarður Eldgos og jarðhræringar Skaftárhreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið