Innlent

Ó­rói við Gríms­vötn farið hratt vaxandi í kvöld

Sólrún Dögg Jósefsdóttir skrifar
Grímsvötn þann fjórða desember síðastliðinn.
Grímsvötn þann fjórða desember síðastliðinn. RAX

Órói við Grímsvötn hefur farið hratt vaxandi nú í kvöld. Má gera ráð fyrir að hlaupið sé að nálgast hámarksrennsli úr vötnunum, en því hafði verið spáð að það myndi gerast nú um helgina.

Þetta kemur fram í tilkynningu frá Eldfjalla- og náttúruvárhópi Suðurlands. Þar segir að auki að vatnshæð í Gígjukvísl fari jafnframt hægt og rólega hækkandi. Vatnshæðarmælir Veðurstofunnar sýni að vatnshæð sé nú um meter hærri en hún var áður en fyrstu ummerki hlaups komu fram.

Óvissustigi var lýst yfir vegna jökulhlaups og aukinnar skjálftavirkni á fimmtudag. Magnús Tumi Guðmundsson jarðeðlisfræðingur sagði þann sama dag að ekki sé ljóst að það muni gjósa í Grímsvötnum, en þó séu nokkrar líkur á því. Þá sagði hann að ef gjósi í Grímsvötnum þá verði sprengigos.

Grímsvötn Eldgos og jarðhræringar Skaftárhreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið