Rík­harður Sveins­son er látinn

Gunnar Björnsson, formaður Skáksambandsins, segir að Ríkharður, eða Rikki eins og hann hafi ávallt verið kallaður, hafi verið sannkallaður máttarstólpi í íslensku skáklífi og að skákheyfingin á Íslandi hafi misst einn sinn besta mann.

Ríkharður kom ungur inn í stjórn Taflfélags Reykjavíkur og átti þar sæti með hléum í fjörutíu ár. Þá hafi enginn setið lengur sem formaður TR en hann. Ennfremur segir að Ríkarður hafi verið einn fremsti og úrræðabesti skákdómari landsins. „Tók á hlutanum þegar á þurfti. Ákveðinn en samt sanngjarn,“ segir Gunnar.

Í frétt Morgunblaðsins segir að Rík­h­arður hafið lesið þýsku við Há­skóla Íslands að loknum menntaskóla og að taugar hans til Þýska­lands hafi ætíð verið sterk­ar, en móðir hans sé þaðan.

Ríkharður starfaði um árabil hjá Sýslu­mann­in­um í Reykja­vík þar sem hann vann meðal annars við skjala­vinnslu. Hann starfaði einnig hjá Heklu hf. um tíma og sinnti þar skrif­stofu­vinnu og samn­inga­gerð, en frá 2008 hafði Rík­h­arður starfað sjálfstætt fyr­ir ýmsa lög­fræðinga og sinnt marg­vís­legri um­sýslu fyr­ir þá við upp­gjör, slit á búum og eigna­sölu.

Eftirlifandi eig­in­kona Rík­h­arðs er Jóna Kristjana Hall­dórs­dótt­ir, sér­fræðing­ur hjá Hug­verka­stofu, og þau eiga son­inn Hall­dór.