Sport

Sex­tán ára strákur stal senunni

Ágúst Orri Arnarson skrifar
Luke Littler er aðeins sextán ára gamall og skaut hærra meðaltal í kvöld en Gerwyn Price hefur nokkurn tímann gert.
Luke Littler er aðeins sextán ára gamall og skaut hærra meðaltal í kvöld en Gerwyn Price hefur nokkurn tímann gert. PDC

Luke Littler hefur vakið mikla athygli og er sannkallað undrabarn í pílukasti. Þessi sextán ára gamli strákur stal algjörlega senunni þegar hann þreytti frumraun sína á heimsmeistaramótinu í kvöld. 

Það var ekki að sjá að þetta væri fyrsta heimsmeistaramót hans þegar Luke lagði fyrrum heimsmeistarann Christan Kist af velli með sannfærandi 3-0 sigri. 

Luke fékk að meðaltali 106,12 stig úr skotum sínum, hann fékk 180 stig sjö sinnum og hitti helming allra útskota. Hann mætir næst Andrew Gilding, ríkjandi meistara opna breska meistaramótsins í pílukasti. 

Luke Littler hefur sópað til sín verðlaunum í ungmennaflokkum undanfarin ár og mikil eftirvænting var fyrir frumraun hans á stóra sviðinu en fáir bjuggust við jafn sögulegri frammistöðu og raun bar vitni. 

Það stóð heldur ekki á stóru orðunum hjá Mark Webster, lýsanda Sky Sports, sem sagðist raunverulega horfa á Luke Littler sem líklegan heimsmeistara eftir frammistöðu hans í kvöld. 

Pílukast

Mest lesið


Fleiri fréttir

Sjá meira


×

Mest lesið