Innlent

Björguðu Ás­dísi ofan af þaki ráð­hússins

Oddur Ævar Gunnarsson skrifar
Bæjarstjóri Kópavogsbæjar virtist nokkuð rólegur uppi á þaki ráðhússins.
Bæjarstjóri Kópavogsbæjar virtist nokkuð rólegur uppi á þaki ráðhússins.

Rýming bæjarskrifstofa Kópavogsbæjar á Digranesvegi vegna elds og reyks var æfð í morgun. Samhliða fór fram björgunaræfing þar sem Ásdísi Kristjánsdóttur bæjarstjóra var bjargað af þaki byggingarinnar og í körfubíl.

Þetta kemur fram í tilkynningu frá Kópavogsbæ. Jafnframt fóru reykkafarar inn í bygginguna og björguðu einstaklingi í hjólastól af annarri hæð.

Segir í tilkynningu bæjarins að vel hafi tekist til við æfinguna. Hún er liður í Eldvarnaátaki Landssambands slökkviliðs- og sjúkraflutningamannanu sem nú fer fram um allt land.

Æfingin fór fram í samvinnu Landssambandsins, Kópavogsbæjar og Slökkviliðs höfuðborgarsvæðisins. Að björgun lokinni fór fram sýniskennsla í notkun slökkvibúnaðar og starfsfólki bauðst að spreyta sig á að slökkva elda. Starfsfólkið fékk jafnframt afhent eintak af handbók Eldvarnabandalagsins um eldvarnir heimilisins.

Starfsmenn æfðu sig svo í að slökkva elda.
Ásdís á æfingunni.

Slökkvilið Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið