Systkini gera það gott hjá Stjörnunni og eiga ekki langt að sækja hæfileikana Aron Guðmundsson skrifar 21. október 2023 09:01 Ásmundur Múli Ármannsson og Kolbrún María Ármannsdóttir eru að koma inn af krafti í Subway deildum karla og kvenna á yfirstandandi tímabili. Vísir/Einar Systkini að Vestan eru að vekja töluverða athygli í Subway deildunum í körfubolta núna í upphafi tímabils með liðum Stjörnunnar. Þau Kolbrún María og Ásmundur Múli koma af miklu körfuboltaheimili og stefna langt í íþróttinni. Það var á dögunum sem hin 15 ára gamla Kolbrún María Ármannsdóttir, sem var valin besti ungi leikmaður 1.deildarinnar í fyrra, sló rúmlega nítján ára gamalt met Helenu Sverrisdóttur er hún varð yngsti leikmaðurinn í efstu deild til þess að skora 31 stig í einum og sama leiknum. Kolbrún María leikur lykilhlutverk hjá nýliðum Stjörnunnar. „Þetta hefur verið frábær reynsla hingað til. Að spila á móti betri leikmönnum og fá þessa reynslu, á meðan að maður er enn ungur leikmaður, að spreyta sig í efstu deild á móti leikmönnum á borð við Hildi Björgu og Helenu Sverris. Það er bara geggjað.“ Eins og greint er frá fyrr í fréttinni skrifaði Kolbrún María nafn sitt í sögubækurnar á dögunum er hún varð yngsti leikmaðurinn í sögu efstu deildar til þess að skora 31 stig og bætti þar með met sem var áður í eigu Helenu Sverrisdóttur og hafði verið í hennar eign síðan árið 2004. Kolbrún var aðeins 15 ára, níu mánaða og níu daga gömul er hún bætti metið sem Helena hafði sett sextán ára, átta mánaða og fjögurra daga gömul. Hafðirðu hugmynd um það strax eftir leik að þú hefðir bætt þetta met Helenu? „Nei ég hafði ekki hugmynd um það. Ég fékk bara símtal seinna frá Arnari þjálfara þar sem að hann sagði mér frá þessu.“ Helena Sverrisdóttir er ein besta körfuboltakona sem Ísland hefur áttVísir/Bára Dröfn En hvernig var tilfinningin þegar að þú fréttir svo af þessu? „Það er náttúrulega bara frábært að hafa náð þessu en á sama tíma er ég ekkert að hugsa allt of mikið út í þetta. Ég held bara áfram að gera mitt.“ Hefur staðið undir traustinu Bróðir Kolbrúnar. Hinn 16 ára gamli Ásmundur Múli Ármannsson. Hlaut eldskírn sína með meistaraflokki Stjörnunnar á síðasta tímabili og hefur á yfirstandandi tímabili verið treyst fyrir fleiri mínútum innan vallar. Þar hefur hann vakið verðskuldaða athygli. „Það er gaman að taka þátt í þessu verkefni og ég er Arnari þjálfara virkilega þakklátur fyrir traustið sem hann er að sýna mér. Ég vona að ég nái að halda áfram á sömu braut.“ Arnar Guðjónsson, er þjálfarinn hjá bæði karla- og kvennaliði StjörnunnarVísir/Hulda Margrét Það sé virkilega gott fyrir hann að vera í Stjörnunni nú þegar að hann sé á þessum mikilvæga tíma á sínum ferli. „Stjarnan er með virkilega flott yngri flokka starf og hér eru allir tilbúnir í að hjálpa manni þegar að maður er hjálparþurfi.“ Eiga ekki langt að sækja hæfileikana í körfubolta Ferlar Ásmundar og Kolbrúnar hafa verið skemmtilega samstíga. Bæði urðu þau bikarmeistarar með yngri flokkum Stjörnunnar á síðasta ári og voru þar bæði valin verðmætustu leikmenn keppninnar. Nú eru þau á fullu í meistaraflokksboltanum og plumma sig þar vel. Systkinin eiga ekki langt að sækja hæfileikana í körfunni. Móðir þeirra, Stefanía Helga Ásmundsdóttir varð á sínum tíma Íslandsmeistari með liði Grindavíkur árið 1997. Stefanía Helga Ásmundsdóttir (til vinstri) fagnar Íslandsmeistaratitlinum 1997 með liðsfélögum sínum í liði Grindavíkur „Hæfileikarnir í körfuboltanum koma allir frá mömmu, ekkert frá pabba,“ segir Ásmundur Múli kíminn. En er talað um eitthvað annað en körfubolta á ykkar heimili? „Nei eiginlega ekki,“ svarar Ásmundur. „Körfubolta og jú pabba gamla finnst gaman að ræða fótbolta. Þannig að það er mikið rætt um íþróttir á okkar heimili.“ Þrátt fyrir að vera virkilega flottir og efnilegir alhliða leikmenn nú þegar eru systkinin með augastað á eiginleikum hjá hvort öðru sem þau væru til í að bæta við sinn leik. Flottir leikmenn sem geta náð langtVísir/Einar „Hann er mjög góður í því að koma upp af dripplinu og fara upp í skot. Það er eitthvað sem ég væri til í að bæta í mínum leik,“ svarar Kolbrún María og það stendur heldur ekki á svörum hjá Ásmundi varðandi það hverju úr leik systur hans, hann væri til í að bæta við sinn leik. „Hún gefst aldrei upp og er alltaf á fullu. Það er eitthvað sem ég væri til í að bæta enn frekar við minn leik. Þrautseigjan sem hún býr yfir.“ Ferill þessara öflugu leikmanna er enn á byrjunarstigi en markmiðin eru háleit og góð. „Ég vil bara halda áfram að vinna mér inn þessar mínútur sem ég hef verið að fá inn á vellinum,“ segir Ásmundur aðspurður um markmið hans á næstunni. „Skila af mér góðri frammistöðu og bæta mig eftir því sem líður á.“ Þá vill hann sanka að sér því góða sem kemur frá því að spila og æfa með reynslumiklum leikmönnum á borð við Hlyn Bærings og Ægi Þór Steinarsson. „Þeir eru duglegir við að hjálpa manni. Beina manni í rétta átt. Það er aldrei neitt vesen í kringum þá.“ Kolbrún María er einnig með góð markmið og ætlar að gera sitt til að hjálpa liðinu sínu. „Ég vil gera mitt besta til að hjálpa Stjörnunni að tryggja sér sæti í úrslitakeppninni. Það er markmiðið hjá okkur. Við erum náttúrulega nýliðar í deildinni en stefnum bara á að vinna eins marga leiki og við getum og tryggja okkur sæti í úrslitakeppninni.“ Innslagið úr Sportpakka Stöðvar 2 og viðtalið allt við systkinin má sjá í spilaranum hér að ofan. Subway-deild karla Stjarnan Mest lesið Grunur um nauðgun á heimili Schumachers Formúla 1 Vildi ekki að börnin sín myndu alast upp í Englandi Enski boltinn Þrír markverðir valdir en enginn Bjarki Már Handbolti Sigurbjörn hættur: „Árangurinn hefur verið stórkostlegur“ Sport Eina árið sem KR féll: Stjörnustríð, Elvis kvaddi og SÁÁ komið á fót Íslenski boltinn Vann Littler og keppir á HM í fyrsta sinn Sport Zaha segir ásakanir Mateta ógeðslegar Enski boltinn Sjáðu bestu mörkin úr leikjum Liverpool og Man. Utd Enski boltinn Potter á að töfra Svía inn á HM Fótbolti Báru saman lið Rikka G og Egils Ploder í Fantasýn: „Rikka gengur aðeins betur“ Enski boltinn Fleiri fréttir Í beinni: Keflavík - Stjarnan | Meistararnir í Sláturhúsinu Í beinni: ÍR - Tindastóll | Heldur draumabyrjun Stólanna áfram? Vill að hún fái að þjálfa í NBA Hraðinn hjá Stjörnunni hentar Orra vel „Við þurfum að hafa mjög góðar gætur á bakvörðunum“ Rúnar Ingi: Glaður að ég þurfti ekki að vera í opnunarleiknum á nýja húsinu Uppgjörið: Álftanes - Grindavík 70-79 | Grindvíkingar með fullt hús Uppgjörið: Valur-Ármann 94-83 | Valsmenn í vandræðum með nýliðana Uppgjörið: ÍA - Njarðvík 119-130 | Svakaleg spenna á Skaganum Uppgjörið: KR - Þór Þ. 95-75 | Fullkomin byrjun KR heldur áfram Mætti ryðgaður til leiks eftir aðgerðina Frákastadrottningin fyrirsæta hjá Victoria's Secret Uppgjörið: Njarðvík-Tindastóll 92-70 | Njarðvíkurkonur bruna áfram Westbrook verður einn af kóngunum í NBA í vetur Grátlegt tap hjá Elvari og félögum eftir framlengingu Martin fann liðsfélagana mun betur en körfuna Byrjar af fítonskrafti: Með þrjátíu stig að meðaltali í leik Segir að Wembanyama sé enn hærri en talið er Vekur athygli fyrir opinskáa umræðu um veikindi sín Spenna í Hveragerði og Ármann stríddi Keflavík Fullkomin byrjun Stólanna í Evrópu Uppgjörið:Haukar - Grindavík 68-85 | Grindavík skellti meisturunum og eru áfram ósigraðar Annar sigur KR kom í Garðabæ Kostuleg langstökkskeppni Nablans og Tomma Steindórs: „Á ég að spretta?“ Kemi tilþrifin: Af nægu að taka í annarri umferð Hilmar skoraði 11 stig í sigri Skildu ekki ákvarðanir Rúnars í lok leiks Vonsviknir Valsmenn biðla til KKÍ að taka á liðaflakki Thunder og Jokic koma best út í árlegri könnun stjóra NBA Galdramenn í Garðabænum: „Ég hélt að hann væri í fimm leikja banni“ Sjá meira
Það var á dögunum sem hin 15 ára gamla Kolbrún María Ármannsdóttir, sem var valin besti ungi leikmaður 1.deildarinnar í fyrra, sló rúmlega nítján ára gamalt met Helenu Sverrisdóttur er hún varð yngsti leikmaðurinn í efstu deild til þess að skora 31 stig í einum og sama leiknum. Kolbrún María leikur lykilhlutverk hjá nýliðum Stjörnunnar. „Þetta hefur verið frábær reynsla hingað til. Að spila á móti betri leikmönnum og fá þessa reynslu, á meðan að maður er enn ungur leikmaður, að spreyta sig í efstu deild á móti leikmönnum á borð við Hildi Björgu og Helenu Sverris. Það er bara geggjað.“ Eins og greint er frá fyrr í fréttinni skrifaði Kolbrún María nafn sitt í sögubækurnar á dögunum er hún varð yngsti leikmaðurinn í sögu efstu deildar til þess að skora 31 stig og bætti þar með met sem var áður í eigu Helenu Sverrisdóttur og hafði verið í hennar eign síðan árið 2004. Kolbrún var aðeins 15 ára, níu mánaða og níu daga gömul er hún bætti metið sem Helena hafði sett sextán ára, átta mánaða og fjögurra daga gömul. Hafðirðu hugmynd um það strax eftir leik að þú hefðir bætt þetta met Helenu? „Nei ég hafði ekki hugmynd um það. Ég fékk bara símtal seinna frá Arnari þjálfara þar sem að hann sagði mér frá þessu.“ Helena Sverrisdóttir er ein besta körfuboltakona sem Ísland hefur áttVísir/Bára Dröfn En hvernig var tilfinningin þegar að þú fréttir svo af þessu? „Það er náttúrulega bara frábært að hafa náð þessu en á sama tíma er ég ekkert að hugsa allt of mikið út í þetta. Ég held bara áfram að gera mitt.“ Hefur staðið undir traustinu Bróðir Kolbrúnar. Hinn 16 ára gamli Ásmundur Múli Ármannsson. Hlaut eldskírn sína með meistaraflokki Stjörnunnar á síðasta tímabili og hefur á yfirstandandi tímabili verið treyst fyrir fleiri mínútum innan vallar. Þar hefur hann vakið verðskuldaða athygli. „Það er gaman að taka þátt í þessu verkefni og ég er Arnari þjálfara virkilega þakklátur fyrir traustið sem hann er að sýna mér. Ég vona að ég nái að halda áfram á sömu braut.“ Arnar Guðjónsson, er þjálfarinn hjá bæði karla- og kvennaliði StjörnunnarVísir/Hulda Margrét Það sé virkilega gott fyrir hann að vera í Stjörnunni nú þegar að hann sé á þessum mikilvæga tíma á sínum ferli. „Stjarnan er með virkilega flott yngri flokka starf og hér eru allir tilbúnir í að hjálpa manni þegar að maður er hjálparþurfi.“ Eiga ekki langt að sækja hæfileikana í körfubolta Ferlar Ásmundar og Kolbrúnar hafa verið skemmtilega samstíga. Bæði urðu þau bikarmeistarar með yngri flokkum Stjörnunnar á síðasta ári og voru þar bæði valin verðmætustu leikmenn keppninnar. Nú eru þau á fullu í meistaraflokksboltanum og plumma sig þar vel. Systkinin eiga ekki langt að sækja hæfileikana í körfunni. Móðir þeirra, Stefanía Helga Ásmundsdóttir varð á sínum tíma Íslandsmeistari með liði Grindavíkur árið 1997. Stefanía Helga Ásmundsdóttir (til vinstri) fagnar Íslandsmeistaratitlinum 1997 með liðsfélögum sínum í liði Grindavíkur „Hæfileikarnir í körfuboltanum koma allir frá mömmu, ekkert frá pabba,“ segir Ásmundur Múli kíminn. En er talað um eitthvað annað en körfubolta á ykkar heimili? „Nei eiginlega ekki,“ svarar Ásmundur. „Körfubolta og jú pabba gamla finnst gaman að ræða fótbolta. Þannig að það er mikið rætt um íþróttir á okkar heimili.“ Þrátt fyrir að vera virkilega flottir og efnilegir alhliða leikmenn nú þegar eru systkinin með augastað á eiginleikum hjá hvort öðru sem þau væru til í að bæta við sinn leik. Flottir leikmenn sem geta náð langtVísir/Einar „Hann er mjög góður í því að koma upp af dripplinu og fara upp í skot. Það er eitthvað sem ég væri til í að bæta í mínum leik,“ svarar Kolbrún María og það stendur heldur ekki á svörum hjá Ásmundi varðandi það hverju úr leik systur hans, hann væri til í að bæta við sinn leik. „Hún gefst aldrei upp og er alltaf á fullu. Það er eitthvað sem ég væri til í að bæta enn frekar við minn leik. Þrautseigjan sem hún býr yfir.“ Ferill þessara öflugu leikmanna er enn á byrjunarstigi en markmiðin eru háleit og góð. „Ég vil bara halda áfram að vinna mér inn þessar mínútur sem ég hef verið að fá inn á vellinum,“ segir Ásmundur aðspurður um markmið hans á næstunni. „Skila af mér góðri frammistöðu og bæta mig eftir því sem líður á.“ Þá vill hann sanka að sér því góða sem kemur frá því að spila og æfa með reynslumiklum leikmönnum á borð við Hlyn Bærings og Ægi Þór Steinarsson. „Þeir eru duglegir við að hjálpa manni. Beina manni í rétta átt. Það er aldrei neitt vesen í kringum þá.“ Kolbrún María er einnig með góð markmið og ætlar að gera sitt til að hjálpa liðinu sínu. „Ég vil gera mitt besta til að hjálpa Stjörnunni að tryggja sér sæti í úrslitakeppninni. Það er markmiðið hjá okkur. Við erum náttúrulega nýliðar í deildinni en stefnum bara á að vinna eins marga leiki og við getum og tryggja okkur sæti í úrslitakeppninni.“ Innslagið úr Sportpakka Stöðvar 2 og viðtalið allt við systkinin má sjá í spilaranum hér að ofan.
Subway-deild karla Stjarnan Mest lesið Grunur um nauðgun á heimili Schumachers Formúla 1 Vildi ekki að börnin sín myndu alast upp í Englandi Enski boltinn Þrír markverðir valdir en enginn Bjarki Már Handbolti Sigurbjörn hættur: „Árangurinn hefur verið stórkostlegur“ Sport Eina árið sem KR féll: Stjörnustríð, Elvis kvaddi og SÁÁ komið á fót Íslenski boltinn Vann Littler og keppir á HM í fyrsta sinn Sport Zaha segir ásakanir Mateta ógeðslegar Enski boltinn Sjáðu bestu mörkin úr leikjum Liverpool og Man. Utd Enski boltinn Potter á að töfra Svía inn á HM Fótbolti Báru saman lið Rikka G og Egils Ploder í Fantasýn: „Rikka gengur aðeins betur“ Enski boltinn Fleiri fréttir Í beinni: Keflavík - Stjarnan | Meistararnir í Sláturhúsinu Í beinni: ÍR - Tindastóll | Heldur draumabyrjun Stólanna áfram? Vill að hún fái að þjálfa í NBA Hraðinn hjá Stjörnunni hentar Orra vel „Við þurfum að hafa mjög góðar gætur á bakvörðunum“ Rúnar Ingi: Glaður að ég þurfti ekki að vera í opnunarleiknum á nýja húsinu Uppgjörið: Álftanes - Grindavík 70-79 | Grindvíkingar með fullt hús Uppgjörið: Valur-Ármann 94-83 | Valsmenn í vandræðum með nýliðana Uppgjörið: ÍA - Njarðvík 119-130 | Svakaleg spenna á Skaganum Uppgjörið: KR - Þór Þ. 95-75 | Fullkomin byrjun KR heldur áfram Mætti ryðgaður til leiks eftir aðgerðina Frákastadrottningin fyrirsæta hjá Victoria's Secret Uppgjörið: Njarðvík-Tindastóll 92-70 | Njarðvíkurkonur bruna áfram Westbrook verður einn af kóngunum í NBA í vetur Grátlegt tap hjá Elvari og félögum eftir framlengingu Martin fann liðsfélagana mun betur en körfuna Byrjar af fítonskrafti: Með þrjátíu stig að meðaltali í leik Segir að Wembanyama sé enn hærri en talið er Vekur athygli fyrir opinskáa umræðu um veikindi sín Spenna í Hveragerði og Ármann stríddi Keflavík Fullkomin byrjun Stólanna í Evrópu Uppgjörið:Haukar - Grindavík 68-85 | Grindavík skellti meisturunum og eru áfram ósigraðar Annar sigur KR kom í Garðabæ Kostuleg langstökkskeppni Nablans og Tomma Steindórs: „Á ég að spretta?“ Kemi tilþrifin: Af nægu að taka í annarri umferð Hilmar skoraði 11 stig í sigri Skildu ekki ákvarðanir Rúnars í lok leiks Vonsviknir Valsmenn biðla til KKÍ að taka á liðaflakki Thunder og Jokic koma best út í árlegri könnun stjóra NBA Galdramenn í Garðabænum: „Ég hélt að hann væri í fimm leikja banni“ Sjá meira