Eigandi Bryggjunnar Brugghúss selur slotið og flytur í Ölfus

Húsið var byggt árið 1958 og hefur fengið töluverðar endurbætur síðastliðin ár. Útkoman er hin glæsilegasta þar sem einfaldleikinn ræður ríkjum.

Í eldhúsi er hvít sérsmíðuð innrétting og eyja með góðu skápaplássi og granít borðplötu. 

Eldhús, borðstofa og stofa eru í opnu, samliggjandi og björtu rými sem hefur verið fallega innréttað.

Við gluggann í borðstofunni er sérsmíðaður gluggabekkur.

Húsið er 164 fermetrar að stærð á þremur hæðum og samanstendur af fimm svefnherbergjum og tveimur baðherbergjum. 

Garðurinn við húsið er búinn veglegu útieldhúsi og hellulagðri verönd. 

Nánari upplýsingar um eignina má finna á fasteignavef Vísis.