Veður

Aukin skriðu­hætta og gular við­varanir

Hallgerður Kolbrún E. Jónsdóttir skrifar
Gular viðvaranir taka í gildi klukkan sex í fyrramálið.
Gular viðvaranir taka í gildi klukkan sex í fyrramálið. Vísir/Vilhelm

Veðurstofa Íslands varar við aukinni skriðuhættu á Ströndum, Tröllaskaga og á Flateyjarskaga í ljósi lægðar sem gengur upp að sunnanverðu landinu í dag og staldrar þar við næstu daga.

Gera má ráð fyrir úrkomu í öllum landshlutum fram á fimmtudag en uppsöfnuð úrkoma verður mest á Ströndum, annesjum á Norðurlandi og í grennd við jöklana á Suðurlandi. Spárnar gera ráð fyrir að það byrji að rigna í dag en að mesta úrkomuákefðin verði á morgun.

Gul veðurviðvörun tekur gildi á Breiðafirði og Vestfjörðum eldsnemma í fyrramálið og stendur fram til miðnættis annað kvöld. Norðaustan þrettán til tuttugu metrar á sekúndu með hvössum vindstrengjum, einkum við fjöll.

Veður Almannavarnir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið