Innlent

Sendi­herrann sagður farinn úr landi

Kjartan Kjartansson skrifar
Mik­haíl V. Noskov sendiherra Rússlands á Íslandi,
Mik­haíl V. Noskov sendiherra Rússlands á Íslandi, Stöð 2/Arnar

Rússneski sendiherrann á Íslandi er sagður farinn úr landi. Íslensk stjórnvöld mæltust til þess að sendiherrann færi heim þegar þau ákváðu að loka íslenska sendiráðinu í Moskvu í síðasta mánuði.

Mbl.is segir að Mikhaíl Noskov, sendiherra Rússlands á íslandi, hafi yfirgefið landið á föstudag. Rússneska sendiráðið gat ekki svarað fyrirspurn Vísis þegar eftir því var leitað nú fyrir hádegið.

Íslensk stjórnvöld ákváðu að leggja niður starfsemi sendiráðs Íslands í Moskvu í ljósi núverandi aðstæðna 9. júní. Á sama tíma beindu þau þeim tilmælum til rússneskar stjórnvalda að draga úr starfsemi sendiráðs síns hér á landi. Það fæli meðal annars í sér að sendiherra stýrði ekki lengur sendiráðinu. Utanríkisráðherra sagðist gera ráð fyrir að það þýddi að sendiherrann yfirgæfi landið.

Mikil spenna hefur verið í samskiptum Rússlands og vesturlanda frá upphafi innrásar Rússlans í Úkraínu í febrúar 2022. Vestræn ríki hafa lagt fjölda refsiaðgerða á Rússland, dregið úr viðskiptum og takmarkað samskipti vegna innrásarinnar.

Rússland Utanríkismál Innrás Rússa í Úkraínu Sendiráð á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið