Innlent

Látinn eftir líkamsárás í miðborginni

Kolbeinn Tumi Daðason skrifar
Líkamsárásin var í miðborg Reykjavíkur í nótt.
Líkamsárásin var í miðborg Reykjavíkur í nótt.

Karlmaður á þrítugsaldri, sem varð fyrir líkamsárás í miðborginni í nótt, er látinn. Þetta kemur fram í tilkynningu frá lögreglunni á höfuðborgarsvæðinu.

Þar segir að karlmaðurinn sem var handtekinn í tengslum við málið í nótt var síðdegis í Héraðsdómi Reykjavíkur úrskurðaður í gæsluvarðhald til 29. júní á grundvelli rannsóknarhagsmuna að kröfu Lögreglunnar á höfuðborgarsvæðinu.

Fram kom fyrr í dag að karlmaðurinn sem nú er látinn hefði erið meðvitundarlaus þegar að var komið í nótt. Sá grunaði var farinn af vettvangi þegar lögregla mætti á svæðið en var handtekinn í nágrenninu. Yfirheyrslum var frestað til dagsins í dag vegna ástands mannsins þegar hann var handtekinn.

Lögregla segir ekki hægt að veita frekari upplýsingar að svo stöddu.

Um er að ræða fimmta manndrápsmálið sem lögregluembætti landsins hafa til rannsóknar um þessar mundir. 

Lögreglumál Næturlíf Reykjavík Látinn eftir líkamsárás á LÚX

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið