Leitin að Fíusól og félögum hennar er í fullum gangi þessa dagana í Borgarleikhúsinu.aðsend
Leitin að Fíusól og félögum hennar er í fullum gangi þessa dagana en lokað hefur verið fyrir skráningar. Prufur standa nú sem hæðst en fjölmargir krakkar mættu og spreyttu sig nú rétt fyrir helgi á hlutverkunum. Verkið verður frumflutt í Borgarleikhúsinu næsta vetur.
Rúmlega þúsund börn skráðu sig til leiks og því vandasamt verk fyrir höndum hjá dómnefnd og listrænum stjórnendum Fíusólar að velja börn í sýninguna.
Fíasól gefst aldrei upp byggir á vinsælum bókaflokki Kristínar Helgu Gunnarsdóttur um gleðisprengjuna Fíusól og fjölskyldu hennar og vini. Maríanna Clara Lúthersdóttir og Þórunn Arna Kristjánsdóttir semja leikgerðina og er Þórunn jafnframt leikstjóri sýningarinnar. Tónlistin er í höndum Braga Valdimars Skúlasonar.
Hér fyrir neðan má sjá myndir úr prufunum.
Fjölmargir krakkar mættu og spreyttu sig á hlutverkum.aðsendÞórunn Arna sér um leikstjórn en hún er þaulreynd á sínu sviði.aðsendRúmlega þúsund börn skráðu sig til leiks.aðsendLjóst er að það verður vandasamt verk hjá dómnefnd og listrænum stjórnendum Fíusólar að velja börn í sýninguna.aðsend
Nú með vaxandi vormánuðum er haustdagskrá leikhúsanna óðum að taka á sig mynd. Ein af fyrirhuguðum frumsýningum næsta leikárs er fjölskyldusöngleikurinn Fíasól gefst aldrei upp, sem byggir á vinsælum bókaflokki Kristínar Helgu Gunnarsdóttur.
