Erlent

Lést af sárum sínum eftir árás hunds

Viktor Örn Ásgeirsson skrifar
Nágranni fórnarlambsins segir hundinn hafa verið óðan.
Nágranni fórnarlambsins segir hundinn hafa verið óðan. Getty Images

Karlmaður lést í Derby á Englandi í gær eftir árás hunds. Lögregla aflífaði hundinn á vettvangi.

Hundurinn réðst á manninn í heimahúsi á Cameron Road, nálægt miðbæ Derby. 53 ára gamall karlmaður er í haldi lögreglu, grunaður um brot á reglugerð um dýrahald vegna hundsins.

Nágranni fórnarlambsins segir við Sun að hundurinn hafi verið mjög hættulegur. Hinn látni hafi reglulega farið með hundinn í göngutúr en enga stjórn haft á honum.

Eins og fyrr segir aflífaði lögregla hundinn á vettvangi, þar sem hann var talinn ógna lífi og heilbrigði lögreglumanna. Independent greinir frá því að aðeins vika sé síðan sex voru fluttir á spítala eftir árás tveggja hunda nálægt leikskóla.

Dýr Hundar England Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið