Erlent

Til Þýska­lands í sinni fyrstu opin­beru heim­sókn er­lendis sem konungur

Atli Ísleifsson skrifar
Karl konugur og Kamilla munu heimsækja bæði Berlín og Hamborg í heimsókninni til Þýskalands.
Karl konugur og Kamilla munu heimsækja bæði Berlín og Hamborg í heimsókninni til Þýskalands. EPA

Karl III Bretakonungur mun funda með helstu leiðtogum Þýskalands og ávarpa þýska þingið í sinni fyrstu opinberu heimsókn sem konungur til erlends ríkis sem hefst í dag.

Karl verður fyrsti þjóðhöfðingi Bretlands sem ávarpar þýska þingið, en litið er á heimsóknina sem lið í því að bæta samskipti Bretlands og Evrópusambandsríkjanna eftir útgöngu Bretlands úr Evrópusambandinu.

Upphaflega stóð til að Karl og Kamilla, eiginkona hans, myndu fyrst heimsækja Frakkland en ákveðið var að aflýsa þeirri heimsókn vegna hinna víðtæku verkfalla og harðra mótmæla í landinu vegna breytinga Emmanuel Macron Frakklandsforseta á lífeyriskerfinu.

Frank-Walter Steinmeier Þýskalandsforseti og eiginkona hans, Elke Büdenbender, munu taka á móti Karli og Kamillu við Brandenborgarhliðið síðar í dag og að því loknu verður hátíðarkvöldverður í höllinni Bellevue.

Reiknað er með að Steinmeier og Karl munu ræða sjálfbærni og orkuskipti, en Karl hefur lengi haft mikinn áhuga á umhverfismálum.

Á fimmtudag munu Karl og Kamilla svo funda með Olaf Scholz kanslara og Franziska Giffey, borgarstjóra Berlínar. Karl og Kamilla munu svo einnig heimsækja Hamborg áður en þau halda aftur til Bretlands, að því er segir í frétt Deutsche Welle. 

Bretland Þýskaland Kóngafólk Karl III Bretakonungur

Tengdar fréttir

Karl III verði krýndur næsta vor

Karl III Bretlandskonungur verður krýndur þann 6. maí næstkomandi. Hann hefur sinnt embætti konungs frá andláti móður sinnar Elísabetar II Bretlandsdrottningar í september síðastliðnum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið