Innlent

Beint streymi: Ráð­stefna um þjóð­hags­legt mikil­vægi ferða­þjónustunnar

Máni Snær Þorláksson skrifar
Ráðstefnan fer fram í Kaldalóni í Hörpu í dag.
Ráðstefnan fer fram í Kaldalóni í Hörpu í dag. Vísir/Vilhelm

Ráðstefna um þjóðhagslegt mikilvægi ferðaþjónustunnar er haldin í Hörpu í dag. Menningar- og viðskiptaráðuneytið í samstarfi við Ferðamálastofu og Samtök ferðaþjónustunnar standa fyrir ráðstefnunni. Sýnt verður frá ráðstefnunni í beinu streymi hér á Vísi.

Ráðstefnan hefst í Kaldalóni í Hörpu klukkan 13:00 í dag með ávarpi frá Lilju Dögg Alfreðsdóttur ferðamála-, viðskipta- og menningarmálaráðherra. Í kjölfarið flytja þau Ásgeir Jónsson seðlabankastjóri, Jane Stacey, yfirmaður ferðamála hjá OECD og Grímur Sæmundsson, forstjóri Bláa lónsins, framsöguerindi. Þá munu Samtök ferðaþjónustunnar kynna nýtt mælaborð sem sýnir áhrif ferðaþjónustu á nærsamfélög um allt land.

Í lok fundarins verða svo pallborðsumræður um verðmætin í ferðaþjónustunni. Benedikt Gíslason, bankastjóri Arion banka, Bjarnheiður Hallsdóttir, formaður SAF, Arnar Már Ólafsson, ferðamálastjóri, Svanbjörn Thoroddsen, sviðsstjóri ráðgjafarsviðs KPMG, og Sylvía Kristín Ólafsdóttir, framkvæmdastjóri þjónustu- og markaðssviðs Icelandair, taka þátt í umræðunum en Ásta Kristín Sigurjónsdóttir, framkvæmdastjóri Íslenska ferðaklasans stýrir pallborðinu. 

Hér fyrir neðan má sjá beint streymi frá ráðstefnunni.

Ferðamennska á Íslandi Harpa
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið