Dagskráin í dag - Fótbolti, handbolti og körfubolti á skjánum

Ítalir sjá um fótboltahlutann þar sem fjórir leikir úr ítölsku úrvalsdeildinni verða sýndir beint. Ber þar hæst leikur AC Milan og Atalanta en þrjú stig skilja liðin að í fjórða og sjötta sæti deildarinnar.

Tvíhöfði verður úr Olís deild karla þar sem ÍBV og Afturelding eigast við áður en KA og Selfoss mætast á Akureyri.

Innlendur og erlendur körfubolti verður einnig á skjánum en Fjölnir og Grindavík eigast við í Subway deild kvenna á meðan Dallas Mavericks og Los Angeles Lakers mætast í NBA körfuboltanum.