Fótbolti

María sat á bekknum er United mis­steig sig í topp­bar­áttunni

Hjörtur Leó Guðjónsson skrifar
María Þórisdóttir kom ekki við sögu í leik Manchester United í dag.
María Þórisdóttir kom ekki við sögu í leik Manchester United í dag. Morgan Harlow - MUFC/Manchester United via Getty Images

María Þórisdóttir var ónotaður varamaður er Manchester United gerði markalaust jafntefli gegn Everton í ensku Ofurdeildinni í fótbolta í dag.

María og stöllur hennar sátu á toppi deildarinnar fyrir leik dagsins og gat liðið því styrkt stöðu sína á toppnum með sigri í dag. United er í harðri baráttu við Chelsea á toppi deildarinnar, en Chelsea lék gegn Tottenham á sama tíma.

United og Everton skiptu stigunum á milli sín í markalausu jafntefli, en á sama tíma vann Chelsea góðan 3-2 sigur gegn nágrönnum sínum. Liðin höfðu því sætaskipti á toppnum og Chelsea situr nú í efsta sæti deildarinnar með 31 stig eftir 12 leiki, tveimur stigum meira en Manchester united sem situr í öðru sæti.




Fleiri fréttir

Sjá meira


×