„Lítill og þægi­legur“ eldur geti alltaf orðið að stærra báli

Greiðlega gekk að slökkva eldinn sem var „lítill og þægilegur“ að sögn varðstjóra hjá slökkviliðinu. 

Hann segir að útköllum af þessum toga fjölgi alltaf í kringum áramót og dagana á eftir, enda margir með skotelda og önnur sprengiefni við hönd á þessum tíma árs.

Þar að auki séu margar sorptunnur yfirfullar um þessar mundir, sem dragi ekki úr eldhættunni.

„Það eru allar tunnur meira og minna stútfullar hér á höfuðborgarsvæðinu.“

Þrátt fyrir að greiðlega hafi gengið að slökkva eldinn geti mál sem þessi haft alvarlegri afleiðingar.

„Þetta getur alltaf orðið ágætis mál og leitt út í eitthvað meira, en þessi var tiltölulega lítill og þægilegur.“