Nýársspá Siggu Kling - Meyjan

Annaðhvort af þessu mun efla þig og gefa þér meiri kraft fyrir þetta ár. Þú þarft líka að sjá að lífið heldur áfram, þó þú gerir ekki allt og alla hluti.

Þú ert skreytt með andlegu tölunni sjö sem siglir að mestu með þér út þetta ár og hún er tala ljóss og sterkara lífs. Hún gefur þér líka tækifæri á að þróa hæfileika þína sem þú hefur jafnvel ekkert verið að skoða. Hún er líka svo mikilvæg í sambandi við hið andlega eins og að leita annarra leiða til þess að láta sér líða vel, skoða hvað Jörðin hefur upp á að bjóða og að prófa eitthvað nýtt. Eins og til dæmis að fara „svett“, sækja um í gönguhóp, fara í dáleiðslu eða læra dáleiðslu og skoða góða mentora, einhvern sem er að segja eitthvað nýtt. Eins og til dæmis eru mínir mentorar Abraham og Louise Hay sem breyttu lífi mínu og gera það enn.

Ef við skoðum tímabilið þitt fram á vorið, þá sendir orkan þér frið, eflir sjálfstraust þitt og gefur þér kraft. Þú átt betra með að segja nei á réttum stöðum og líka já við því sem þú vilt prófa, ef það er eitthvað nýtt. Við manneskjurnar förum oft á sama frístaðinn hvort sem hann er á Kópaskeri eða á Kanarí, en þar sérðu þá líklega ekkert nýtt.

Það verður erfitt fyrir þá sem ætla að stjórna þér á þessu ári því hjúpur þinn styrkist til muna og sumarið verður yndislegt. Ágúst, september og október eru komnir til að kalla þig til mikilvægra starfa. Þarna ertu að fara að gera eitthvað sem skiptir ekki bara þig máli, heldur snertir líka marga aðra.

Þú nærð að afvopna baktal og hæðni með því að hlusta ekki í eina mínútu á slíkt. Þú finnur að lífs neisti þinn verður sterkari og þú fyllist trú á lífið. Ef þú berð það undir brjósti að vilja hanna, taka myndir eða að gera eitthvað listrænt, þá er þetta árið þar sem allt tengist því sem blómstrar. Ef þú ætlar í nýtt nám eða vinnu, skaltu spyrja þig: Gerir þetta mig hamingjusama? Og ef fyrsta hugsun er nei, þá þýðir hún nákvæmlega það, þú ert nefnilega mátturinn og dýrðin.

Knús og kossar, Sigga Kling