Innlent

Fyrstu rann­sóknir benda til að efnið hafi verið hættu­laust

Atli Ísleifsson skrifar
Mikill viðbúnaður var fyrir utan bandaríska sendiráðið við Engjateig í gær.
Mikill viðbúnaður var fyrir utan bandaríska sendiráðið við Engjateig í gær. Vísir/Vilhelm

Fyrstu niðurstöður greiningar Háskóla Íslands á innihaldi sendingarinnar sem var fjarlægð úr bandaríska sendiráðinu í gær sýna fram á að innihaldið sé hættulaust.

Frá þessu segir í tilkynningu frá embætti ríkislögreglustjóra. Þar kemur fram að verði breytingar á þeirri niðurstöðu eftir frekari greiningar verði sérstaklega upplýst um það.

Mikill viðbúnaður lögreglu var við sendiráðið Bandaríkjanna við Engjateig í Reykjavík eftir hádegi í gær eftir að tilkynning barst um að starfsfólk hafi handleikið grunsamlega sendingu. Var hópur starfsmanna fluttur á sjúkrahús til skoðunar til öryggis og var sérsveit ríkislögreglustjóra og slökkvilið kallað til vegna sendingarinnar.

Sjá mátti slökkviliðsmenn í hlífðarbúningum sem aðhöfðust við inngang sendiráðsins. Farið hafði eftir sérstöku verklagi og sendingin fjarlægð. 

Kristinn Gilsdorf, upplýsingafulltrúi í sendiráðinu, sagði í samtali við fréttastofu í gær að allir í sendiráðinu hafi haldið ró sinni vegna málsins.

Lögreglumál Bandaríkin Reykjavík Sendiráð á Íslandi

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið