Innlent

Eldur logaði í þaki fjöl­býlis­húss í Hafnarfirði

Árni Sæberg skrifar
Mikill viðbúnaður er á svæðinu.
Mikill viðbúnaður er á svæðinu. Ingibjörg Gestsdóttir

Allt tiltækt slökkvilið á höfuðborgarsvæðinu vann að því fyrr í kvöld að ráða niðurlögum elds sem kviknaði í þaki fjölbýlishúss við Breiðvang í Hafnarfirði.

Að sögn Bjarna Ingimarssonar, vakthafandi varðstjóra hjá Slökkviliðinu á höfuðborgarsvæðinum, hafði eldurinn náð að breiða sér um þakið og í einn stigagang. Þrátt fyrir það hafi gengið vel að slökkva eldinn og það án þess að þurfa að rífa þakið. „Það er auðvitað mjög gott í svona veðri,“ segir hann.

Hann segir slökkviliðið að mestu hafa lokið störfum á vettvangi og að verið sé að ganga frá síðustu bílunum.

„Núna tekur lögreglan við og tryggingafélögin að gera allt fínt fyrir íbúana fyrir jólin,“ segir Bjarni. Þá segir hann að nokkur reykur hafi myndast og því sé líklegt að ráðast þurfi reykræstingu.

Frá vettvangi í kvöld.Ingibjörg Gestsdóttir

Hann segir að húsið hafi verið rýmt íbúum komið í fjöldahjálparstöð sem opnuð hefur verið í nágreninu.

Frá Breiðvangi í kvöld.Ingibjörg Gestsdóttir

Hann segir að um það bil sextíu manns hafi þegar verið kallaðir út vegna eldsins, í ofanálag við þá sem þegar voru á vaktinni.

Slökkviliðsmenn eru að ganga frá á vettvangi.Aðsend/Óli Jón

Fréttin hefur verið uppfærð.

Veistu meira um málið? Vísir tekur við ábendingum, myndum og myndböndum á ritstjorn@visir.is. Fullum trúnaði er heitið.

Slökkvilið Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið