Guðmundur Ingi Guðbrandsson félagsmálaráðherra ræddi málefnið á fundi í dag. Vísir/Vilhelm
Guðmundur Ingi Guðbrandsson félagsmálaráðherra segir mikilvægt að gera eldra fólki kleift að vera virkir þátttakendur í samfélaginu lengur. Liður í því er sérstök aðgerðaráætlun um endurskoðun á þjónustu við eldra fólk.
Hann ásamt Willum Þór Þórssyni heilbrigðisráðherra stóð í dag fyrir opnum kynningarfundi þar sem kynnt voru drög að aðgerðaáætlun til fjögurra ára um heildarendurskoðun þjónustu við eldra fólk. Aðgerðaráætlunin horfir til fimm meginþátta.
„Það er samþætting í þjónustu. Það er virkni fólks. Það er upplýsing. Það er þróun þjónustunnar og heimili. Stærsti hlutinn af henni fjallar í rauninni um þróunarverkefni sem verða keyrð þá á fjórum til sex stöðum á landinu þar sem að meðal annars og sérstaklega er verið að horfa til samþættingar í félags- og heimaþjónustu,“ segir Guðmundur Ingi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
