Bein útsending: Fulltrúar Ríkisendurskoðunar svara fyrir skýrsluna

Bjarki Sigurðsson skrifar 5. desember 2022 09:01

Guðmundur Björgvin Helgason er ríkisendurskoðandi. Vísir/Vilhelm

Opinn fundur stjórnskipunar- og eftirlitsnefndar Alþingis um skýrslu Ríkisendurskoðunar um sölu á hlut ríkisins í Íslandsbanka fer fram í dag frá klukkan 9:30 til klukkan 11.

Gestir fundarins verða Guðmundur Björgvin Helgason ríkisendurskoðandi og Jarþrúður Hanna Jóhannsdóttir, sviðsstjóri hjá Ríkisendurskoðun. Fundurinn fer fram í húsnæði nefndasviðs Alþingis í Austurstræti 8-10. Hægt verður að fylgjast með honum í beinni útsendingu í spilaranum hér fyrir neðan.

Þetta er fjórði opni fundur nefndarinnar vegna sölu ríkisins á hlut í Íslandsbanka. Síðasti fundur fór fram á föstudaginn í síðustu viku en þá voru gestir þau Jón Gunnar Jónsson, forstjóri Bankasýslu ríkisins, Lárus L. Blöndal, stjórnarformaður Bankasýslu ríkisins, Óttar Pálsson, lögmaður hjá Logos, og Maren Albertsdóttir, lögmaður hjá Logos.

Níu þingmenn eiga sæti í nefndinni, þau Þórunn Sveinbjarnardóttir frá Samfylkingunni, Steinunn Þóra Árnadóttir, Vinstri grænum, Sigmar Guðmundsson, Viðreisn, Arndís Anna Kristínardóttir Gunnarsdóttir, Pírötum, Ásthildur Lóa Þórsdóttir, Flokki fólksins, Berglind Ósk Guðmundsdóttir, Sjálfstæðisflokknum, Hildur Sverrisdóttir, Sjálfstæðisflokknum, Halla Signý Kristjánsdóttir, Framsóknarflokknum, og Lilja Rannveig Sigurgeirsdóttir, Framsóknarflokknum.

Alþingi Salan á Íslandsbanka Íslandsbanki Íslenskir bankar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.