Íslandsbanki

Fréttamynd

Búast við hærri vöxtum á ó­verð­tryggðum lánum

Forsvarsmenn íslenskra banka búast við því að vextir á óverðtryggðum íbúðalánum muni hækka frekar á næstu sex mánuðum. Er það vegna væntanlegrar hækkunar meginvaxta og hærri fjármögnunarkostnaðar. Vextir á verðtryggðum lánum búast þeir við að haldist óbreyttir.

Viðskipti innlent
Fréttamynd

Telur enn að stýri­vextir verði hækkaðir

Verðbólga hjaðnaði um 0,2 prósentustig milli mánaða og mælist nú 5,2 prósent. Hagfræðingur Íslandsbanka segir jákvæð teikn á lofti en telur litlar líkur á að mælingin verði til þess að Seðlabankinn hækki ekki stýrivexti í næsta mánuði. 

Viðskipti innlent
Fréttamynd

Ís­lands­banki fækkar starfs­mönnum um fimm­tíu

Stjórn Íslandsbanka hefur samþykkt nýtt skipulag bankans sem tekur gildi í dag. Markmið breytinganna er að einfalda stjórnskipulag og stytta boðleiðir og þannig efla þjónustu bankans við viðskiptavini enn frekar. Með breytingunum verður stjórnendum fækkað um 15 prósent og forstöðumönnum um 20 prósent. Alls verður starfsmönnum fækkað um fimmtíu á árinu.

Viðskipti innlent
Fréttamynd

Lands­bankinn með lang­mest undir í lánum til bygginga­geirans

Eftir verulegan lánavöxt á liðnu ári til byggingageirans er Landsbankinn núna með um helminginn af öllum útistandandi lánum stóru bankanna til verktakafyrirtækja. Greinendur hafa varað við því að fyrirséð er að útlánasafn bankanna til geirans eigi eftir að „súrna“ núna þegar meðalsölutími nýrra íbúða hefur aldrei mælst lengri og þrengt hefur að aðgengi að lánsfé.

Innherji
Fréttamynd

Spá enn vaxta­hækkun í maí

Hagfræðingur hjá Íslandsbanka segir að nýkynntar efnahagsaðgerðir ríkisstjórnarinnar virðist vera sérsniðnar utan um forsenduákvæði kjarasamninga. Þó að bensínverð geti lækkað um tíu prósent tímabundið eru enn líkur á því að Seðlabankinn hækki vexti í maí.

Viðskipti innlent
Fréttamynd

Vaxta­hækkun í maí blasi við

Verðbólga hækkaði á milli mánaða og hafa hagfræðingar verulegar áhyggjur af þeirri miklu óvissu sem hækkun eldsneytisverðs gæti haft á næstu mánuðum og allri líkur á hækkun stýrivaxta á næsta fundi peningastefnunefndar Seðlabanka Íslands í maí. Jákvæðu teiknin eru þó þau að hægt hefur umtalsvert á hækkun fasteignaverðs og leigu og þá hefur matvara ekki hækkað jafn ört og í fyrra.

Viðskipti innlent
Fréttamynd

Bankarnir byrjaðir að hækka vexti

Arion banki og Íslandsbanki hafa boðað vaxtabreytingar í kjölfar nýlegrar vaxtahækkunar Seðlabankans. Íbúðalánavextir hækka um allt 0,25 prósentustig og innlánsvextir um 0,35. Peningastefnunefnd Seðlabankans hækkaði meginvexti bankans um 0,25 prósentur á miðvikudag og standa þeir í 7,50%.

Neytendur
Fréttamynd

Gengis­hækkun bréfa ISB vegna mikilla endur­kaupa var „ekki for­sendu­brestur“

Þegar samið var um helstu skilmála samruna Íslandsbanka og Skaga í október, meðal annars með því að festa gagngjaldið til hluthafa Skaga í tilteknum fjölda hluta, var gert ráð fyrir áframhaldandi kaupum bankans á eigin bréfum sem hafði „óhjákvæmilega áhrif til hækkunar“ á hlutabréfaverðinu, að sögn stjórnarformanns Skaga. Hann segir það hafa verið „veruleg vonbrigði“ þegar Íslandsbanki setti fram kröfur um mikla lækkun á gagngjaldinu á grundvelli ólíkrar þróunar á markaðsvirði félaganna sem hafi ekki átt sér stoð sem ein forsenda breytinga á samkomulaginu.

Innherji
Fréttamynd

Spáir hækkun stýrivaxta í fyrra­málið

Aðalhagfræðingur Íslandsbanka telur trúlegra að peningastefnunefnd hækki stýrivexti í fyrramálið en ekki. Hann útilokar ekki að vextir verði haldnir óbreyttir en segir það geta bitið peningastefnunefndina í skottið að taka ekki í taumana fyrr en seinna.

Viðskipti innlent
Fréttamynd

Telur stjórnar­menn þurfa að út­skýra fyrir hlut­höfum breytta af­stöðu til sam­runa

Fjárfestirinn Bjarni Ármannsson segist „ekki trúa öðru“ en að stjórnir Íslandsbanka og Skaga muni á aðalfundi félaganna í komandi viku gera efnislega grein fyrir því gagnvart hluthöfum af hverju samrunaviðræðum var slitið og kallar eftir því að lífeyrissjóðir hafi skoðun á slíkum „strategískum ákvörðunum.“ Þá er Bjarni, annar stærsti hluthafi Skaga, afar gagnrýninn á að ekki hafi verið upplýst um hvaða fjárfestar voru í samfloti með Heiðari Guðjónssyni þegar óskað var eftir hluthafafundi í Íslandsbanka í því skyni að efna til stjórnarkjörs og segir slíka „leyndarhyggju ekki vera í lagi“ þegar um sé að ræða kerfislega mikilvægan banka.

Innherji
Fréttamynd

„Vonandi verður ein vaxta­hækkun nóg“

Aðalhagfræðingur Íslandsbanka segir betra fyrir Seðlabankann að bregðast við núna en að þurfa að grípa seinna til harkalegri ráðstafana. Verðbólga hefur þróast með allt öðrum hætti en Seðlabankinn og greiningaraðilar gerðu sér vonir um og stýrivaxtahækkun er nú spáð í næstu viku. 

Viðskipti innlent
Fréttamynd

Spá 0,25 prósenta hækkun stýrivaxta

Íslandsbanki spáir 0,25 prósenta hækkun stýrivaxta við næstu vaxtaákvörðun þann 18. mars. Versnandi skammtímaverðbólguhorfur og hækkandi verðbólguvæntingar eru taldar af bankanum munu þar ríða baggamuninn þótt talsverðar líkur séu á óbreyttum vöxtum og hertri framsýnni leiðsögn. Vaxtalækkunarferli verði síðar á ferð en áður var búist við.

Viðskipti innlent
Fréttamynd

Krónan oftar en ekki sveiflast minna en dollar, evran og pundið

Síðustu sex árin hefur íslenska krónan oftar en ekki sveiflast minna en ýmsir aðrir gjaldmiðlar, þar á meðal bandarískur dollar, Evran og breska pundið. Íslenska krónan hefur því ekki verið stór áhrifavaldur í því verðbólguástandi sem Íslendingar fást við í dag heldur sinnt sínu hlutverki vel sem fljótandi gjaldmiðill sem mýkir hagsveiflur.

Viðskipti innlent
Fréttamynd

Kallar eftir betri rök­stuðningi hvernig eigi að hífa arð­semina upp í 13 pró­sent

Áform Íslandsbanka að skila að lágmarki þrettán prósenta arðsemi innan fárra ára þýðir að stefnt er að umtalsverðum rekstrarbata og í nýrri greiningu, sem lækkar lítillega verðmatið á bankanum, er kallað eftir því að stjórnendur útskýri og rökstyðji betur hvernig eigi að ná því markmiði. Þá er varað við því að róðurinn gæti þyngst hratt í ár núna þegar er að teiknast upp umhverfi kreppuverðbólgu sem er „allt að því fjandsamlegt fyrir fjárfestingarbankastarfsemi.“

Innherji
Fréttamynd

„Kom veru­lega á ó­vart“ að ekki tókst að semja um verð vegna mikillar sam­legðar

Samruni Íslandsbanka og Skaga hefði getað skilað báðum félögum töluverðum ávinningi, jafnvel mun meiri en þeirri áætluðu samlegð sem var gefin út, og því kom það „verulega á óvart“ að ekki hafi tekist að endursemja um nýja verðskilmála, að sögn hlutabréfagreinenda. Verðmat á Íslandsbanka hefur verið hækkað nokkuð, meðal annars vegna væntinga um betri arðsemi, en uppfærð fjárhagsleg markmið stjórnenda eru sögð vera „afar metnaðarfull“ en alls ekki ógerleg.

Innherji
Fréttamynd

Mikið í húfi ef ekki dregur úr verð­bólgu og vaxtalækkun ekki í sjón­máli

Það eru mikil vonbrigði að verðbólga hafi ekki lækkað í febrúar og viðbúið að stýrivextir haldist óbreyttir við næstu vaxtaákvörðun að sögn hagfræðings. Ekki sé ólíklegt að möguleg vaxtahækkun komi til umræðu fyrir næstu vaxtaákvörðun, og ef ekki takist að ná verðbólgu nær markmiði gæti virkjun forsenduákvæðis kjarasamninga verið í húfi í haust. Þá sé áhyggjuefni að verðbólguþrýstingur virðist vera á uppleið.

Viðskipti innlent
Fréttamynd

Kemur „mjög á ó­vart“ að stjórn ISB treysti sér ekki til að standa við sam­komu­lagið

Stóru lífeyrissjóðirnir sem eru í þeirri stöðu að eignarhald þeirra þverast með svipuðum hætti í Íslandsbanka og Skaga eru fremur fámálir um þá ákvörðun að samrunaviðræðum hafi verið slitið, á meðan afstaða sumra annarra sjóða litast af því hvar hagsmunir þeirra vega hlutfallslega meira. Stærsti einkafjárfestir Skaga segir það koma „mjög á óvart“ að stjórn Íslandsbanka hafi ekki treyst sér til að standa við samkomulagið en hún fór fram á verulegar breytingar á fyrri verðskilmálum við samruna félaganna sem yrðu aðlagaðir með tilliti gengishækkunar á bréfum bankans og gagngjaldið að hluta greitt með reiðufé.

Innherji
Fréttamynd

Stjórn Ís­lands­banka vill greiða tólf milljarða í arð

Stjórn Íslandsbanka mun leggja til á aðalfundi að greiddir verði út tólf milljarðar í arð. Hagnaður af rekstri bankans nam 5,9 milljörðum króna á fjórða ársfjórðungi 2025 og 25,2 milljörðum króna fyrir árið í heild. Bankastjóri segir bankann hafa náð öllum sínum fjárhagslegu markmiðum.

Viðskipti innlent

Mest lesið