Innlent

Ey­dís nýr skóla­meistari Verk­mennta­skóla Austur­lands

Margrét Björk Jónsdóttir skrifar
Eydís Ásbjörnsdóttir var önnur tveggja sem sóttu um starfið.
Eydís Ásbjörnsdóttir var önnur tveggja sem sóttu um starfið.

Ásmundur Einar Daðason, mennta- og barnamálaráðherra, hefur skipað Eydísi Ásbjörnsdóttur í embætti skólameistara Verkmenntaskóla Austurlands til fimm ára frá 1. desember.

Eydís hefur verið kennari við Verkmenntaskóla Austurlands frá árinu 1999 en hún lauk kennslufræði til kennsluréttinda frá Háskólanum á Akureyri árið 2006. Hún lauk sveinsprófi í hársnyrtiiðn í janúar 1998 og hlaut meistararéttindi í sömu grein árið 1999.

Í tilkynningu á vef Stjórnarráðs Íslands kemur fram að Eydís hafi frá árinu 2010 verið kjörinn bæjarfulltrúi í Fjarðabyggð og hefur í tengslum við það gegnt ýmsum stöðum á sviði sveitarstjórnarmála. Hún var til að mynda aðalmaður í bæjarráði Fjarðabyggðar um sjö ára skeið, formaður bæjarráðs 2018–2020 og var forseti bæjarstjórnar 2020–2022. Eins og áður kom fram hefur Eydís kennt við Verkmenntaskólann frá árinu 1999 auk þess að hafa rekið eigið fyrirtæki um tíu ára skeið.

Alls sóttu tveir umsækjendur um embættið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.