KSÍ segir ráðuneytið hafa gefið grænt ljós á samning við Sáda Sindri Sverrisson skrifar 28. nóvember 2022 16:14 Vanda Sigurgeirsdóttir, formaður KSÍ, hefur ekki viljað gefa upp hve mikið Sádar borguðu fyrir vináttulandsleik við Ísland fyrr í þessum mánuði. vísir/Arnar Utanríkisráðuneytið sá ekkert athugavert við fyrirhugað samstarf og landsleik á milli Íslands og Sádi-Arabíu í fótbolta, samkvæmt svari við fyrirspurn Knattspyrnusambands Íslands á síðasta ári. Þetta er fullyrt í frétt á vef KSÍ í dag í kjölfar umfjöllunar Stundarinnar um samkomulag sambandsins við knattspyrnusamband Sádi-Arabíu. KSÍ vitnar í svar ráðuneytisins og segir að í því hafi komið fram að „ráðuneytið sjái ekkert athugavert við gerð slíks samnings, sem hefur það að leiðarljósi að stofna til samstarfs um leiki milli landsliða í knattspyrnu sem um ræðir“. Karlalandslið þjóðanna mættust í vináttulandsleik í Sameinuðu arabísku furstadæmunum í byrjun þessa mánaðar, þar sem Sádar unnu 1-0 sigur í undirbúningi sínum fyrir HM. Sádar borguðu KSÍ fyrir þann leik en sambandið hefur ekki viljað gefa upp hve há sú upphæð er. Vanda Sigurgeirsdóttir, formaður KSÍ, svaraði gagnrýni á sambandið fyrir að samþykkja leik við Sáda, vegna þeirra mannréttindabrota sem látin eru viðgangast í landinu, og sagðist í viðtali við Vísi í sumar skilja að ekki væru allir sáttir við að leikurinn færi fram. Þar sagði Vanda að KSÍ hefði leitað ráða hjá utanríkisráðuneytinu til að vita hvort eitthvað mælti gegn því að leikurinn yrði spilaður. Sagði hún að svo hefði ekki verið, og að KSÍ vildi frekar reyna að nýta fótboltann og samtöl til að ná fram breytingum til góðs frekar en að hafna tilboði Sáda. Í umfjöllun Stundarinnar í dag segir að KSÍ hafi aftur á móti ekki fengið grænt ljós frá utanríkisráðuneytinu, og er vitnað í svar frá ráðuneytinu sem Stundin segir sýna að fyrirspurn KSÍ hafi snúist um „samstarf“ sem KSÍ hafi ráðgert að eiga við Sádi-Arabíu. Samstarfið hafi snúist um uppbyggingu kvennaknattspyrnu í Sádi-Arabíu. KSÍ hefur nú ítrekað að utanríkisráðuneytið hafi svo sannarlega ekkert athugavert séð við fyrirhugað samstarf eða fyrirhugaðan landsleik Íslands og Sádi-Arabíu. Yfirlýsingu KSÍ má lesa í heild hér að neðan. Vegna umfjöllunar um samskipti KSÍ við Knattspyrnusamband Sádi-Arabíu Varðandi samskipti KSÍ við utanríkisráðuneytið vill sambandið koma því á framfæri að haustið 2021 hófust samskipti KSÍ við Knattspyrnusamband Sádi-Arabíu þar sem ræddar voru hugmyndir um samstarf. Hugmyndirnar voru í mörgum liðum og snerust allar um að skiptast á þekkingu og fræðslu um uppbyggingu knattspyrnu, allt frá starfsemi og rekstri knattspyrnusambanda yfir í réttindamál, sem og grasrótarstarf, kvennaknattspyrnu og afreksstarf. Einnig var rætt um mögulegan vináttuleik milli landsliða þjóðanna í janúar 2022. Í kjölfarið hafði KSÍ samband við utanríkisráðuneytið til að afla upplýsinga og ráðgjafar vegna stöðu mannréttindamála í Sádi-Arabíu. Utanríkisráðuneytið svaraði og sá ekkert athugavert við fyrirhugað samstarf eða fyrirhugaðan landsleik. Ekki varð þó af þessu samstarfi og ekki varð af janúar-leiknum. Í vor barst svo beiðni frá Knattspyrnusambandi Sádi-Arabíu um vináttuleik þjóðanna í nóvember. KSÍ leitaði ekki eftir áliti utanríkisráðuneytisins vegna þess leiks – því svarið lá fyrir þegar halda átti leik í janúar. Í svari formanns KSÍ í viðtali við Vísi frá því í júní á þessu ári, sem vitnað hefur verið til í fréttum fjölmiðla, er formaðurinn að vísa til þeirra gagna sem lágu fyrir. Í svari utanríkisráðuneytisins kom fram að „ráðuneytið sjái ekkert athugavert við gerð slíks samnings, sem hefur það að leiðarljósi að stofna til samstarfs um leiki milli landsliða í knattspyrnu sem um ræðir”. Mannréttindasamtök á borð við Amnesty International auk Íslands á vettvangi Sameinuðu þjóðanna hafa bent á að mannréttindi séu fótum troðin í Sádi-Arabíu. Síðustu ár hefur til að mynda verið fjallað um mikinn fjölda dauðarefsinga og morðið á blaðamanninum Jamal Khashoggi en einnig að pyntingar séu notaðar sem refsing, tjáningarfrelsi sé heft, mótmæli gerð glæpsamleg og konum mismunað með víðtækum hætti. Sádar eru á meðal þátttökuþjóða á HM í Katar og vöktu mikla athygli með fræknum 2-1 sigri sínum gegn Argentínu í fyrsta leik en töpuðu svo 2-0 gegn Póllandi um helgina. Fótbolti KSÍ Utanríkismál Stjórnsýsla Mest lesið Harma auglýsingar á gólfi og vilja banna þær eftir meiðsli Martins Körfubolti „Þið eruð lið fullt af feitabollum“ Enski boltinn Sjáðu dramatísku vítakastskeppnina í Eyjum Handbolti Drakk átta bjóra fyrir beina útsendingu Fótbolti Sló í myndavél og gæti fengið bann Körfubolti Aron í myndatöku í dag vegna meiðslanna Handbolti Vatnaskil hjá Red Bull og risafréttir fyrir Formúlu 1 Formúla 1 Segir aðeins þau hlutlausu hafa skemmt sér yfir fótbolta Ten Hag Enski boltinn Fengið nóg af því að vera ruslakista fyrir viðbjóð frá fólki Körfubolti Sjáðu mark Füllkrugs sem kom Dortmund í bílstjórasætið Fótbolti Fleiri fréttir Í beinni: Fylkir - Keflavík | Nýliðarnir enn ósigraðir Í beinni: Chelsea - Tottenham | Tíminn að renna út fyrir Spurs Í beinni: Valur - Víkingur | Íslands- og bikarmeistararnir mætast Í beinni: Þór/KA - Þróttur | Sandra María verið óstöðvandi Sjáðu mark Füllkrugs sem kom Dortmund í bílstjórasætið „Þið eruð lið fullt af feitabollum“ Besta upphitunin: „Finn ekki fyrir pressunni“ Tekur fyrir að starfsfólk Manchester United vinni að heiman Skúrkurinn endaði sem hetjan Drakk átta bjóra fyrir beina útsendingu Dortmund tók aukasætið sem ensku liðin dreymdi um Rangnick hafnar Bayern München Segir aðeins þau hlutlausu hafa skemmt sér yfir fótbolta Ten Hag FH fékk tvær sektir frá KSÍ Dortmund leiðir þökk sé þrumuskoti Füllkrug Logi kom inn af bekknum og skoraði í stórsigri Mark dæmt af Bjarka og dramatík hjá Alexöndru Sjáðu mörkin úr stórleiknum í München Júlíus og félagar unnu frækinn bikarsigur á Rosenborg Kenndi gráðugum Kim um bæði mörkin gegn Real Madrid Lewandowski gæti verið seldur á brunaútsölu Barcelona Bellingham reyndi að taka Kane á taugum fyrir vítið Heillaóskum rigndi yfir fimmtán ára hetju Fram í skólanum „Vestri hefur verið að taka leikhlé“ Courtois ekki með Belgíu á EM Einvígið galopið eftir jafntefli í Þýskalandi „Þú veist alveg svarið við þessu“ Sextán ára og skoraði hjá Arsenal eins og Rooney forðum Víkingar bjóða Grindvíkingum í Víkina á morgun „Real Madrid lofaði mér að ég yrði arftaki Modric“ Sjá meira
Þetta er fullyrt í frétt á vef KSÍ í dag í kjölfar umfjöllunar Stundarinnar um samkomulag sambandsins við knattspyrnusamband Sádi-Arabíu. KSÍ vitnar í svar ráðuneytisins og segir að í því hafi komið fram að „ráðuneytið sjái ekkert athugavert við gerð slíks samnings, sem hefur það að leiðarljósi að stofna til samstarfs um leiki milli landsliða í knattspyrnu sem um ræðir“. Karlalandslið þjóðanna mættust í vináttulandsleik í Sameinuðu arabísku furstadæmunum í byrjun þessa mánaðar, þar sem Sádar unnu 1-0 sigur í undirbúningi sínum fyrir HM. Sádar borguðu KSÍ fyrir þann leik en sambandið hefur ekki viljað gefa upp hve há sú upphæð er. Vanda Sigurgeirsdóttir, formaður KSÍ, svaraði gagnrýni á sambandið fyrir að samþykkja leik við Sáda, vegna þeirra mannréttindabrota sem látin eru viðgangast í landinu, og sagðist í viðtali við Vísi í sumar skilja að ekki væru allir sáttir við að leikurinn færi fram. Þar sagði Vanda að KSÍ hefði leitað ráða hjá utanríkisráðuneytinu til að vita hvort eitthvað mælti gegn því að leikurinn yrði spilaður. Sagði hún að svo hefði ekki verið, og að KSÍ vildi frekar reyna að nýta fótboltann og samtöl til að ná fram breytingum til góðs frekar en að hafna tilboði Sáda. Í umfjöllun Stundarinnar í dag segir að KSÍ hafi aftur á móti ekki fengið grænt ljós frá utanríkisráðuneytinu, og er vitnað í svar frá ráðuneytinu sem Stundin segir sýna að fyrirspurn KSÍ hafi snúist um „samstarf“ sem KSÍ hafi ráðgert að eiga við Sádi-Arabíu. Samstarfið hafi snúist um uppbyggingu kvennaknattspyrnu í Sádi-Arabíu. KSÍ hefur nú ítrekað að utanríkisráðuneytið hafi svo sannarlega ekkert athugavert séð við fyrirhugað samstarf eða fyrirhugaðan landsleik Íslands og Sádi-Arabíu. Yfirlýsingu KSÍ má lesa í heild hér að neðan. Vegna umfjöllunar um samskipti KSÍ við Knattspyrnusamband Sádi-Arabíu Varðandi samskipti KSÍ við utanríkisráðuneytið vill sambandið koma því á framfæri að haustið 2021 hófust samskipti KSÍ við Knattspyrnusamband Sádi-Arabíu þar sem ræddar voru hugmyndir um samstarf. Hugmyndirnar voru í mörgum liðum og snerust allar um að skiptast á þekkingu og fræðslu um uppbyggingu knattspyrnu, allt frá starfsemi og rekstri knattspyrnusambanda yfir í réttindamál, sem og grasrótarstarf, kvennaknattspyrnu og afreksstarf. Einnig var rætt um mögulegan vináttuleik milli landsliða þjóðanna í janúar 2022. Í kjölfarið hafði KSÍ samband við utanríkisráðuneytið til að afla upplýsinga og ráðgjafar vegna stöðu mannréttindamála í Sádi-Arabíu. Utanríkisráðuneytið svaraði og sá ekkert athugavert við fyrirhugað samstarf eða fyrirhugaðan landsleik. Ekki varð þó af þessu samstarfi og ekki varð af janúar-leiknum. Í vor barst svo beiðni frá Knattspyrnusambandi Sádi-Arabíu um vináttuleik þjóðanna í nóvember. KSÍ leitaði ekki eftir áliti utanríkisráðuneytisins vegna þess leiks – því svarið lá fyrir þegar halda átti leik í janúar. Í svari formanns KSÍ í viðtali við Vísi frá því í júní á þessu ári, sem vitnað hefur verið til í fréttum fjölmiðla, er formaðurinn að vísa til þeirra gagna sem lágu fyrir. Í svari utanríkisráðuneytisins kom fram að „ráðuneytið sjái ekkert athugavert við gerð slíks samnings, sem hefur það að leiðarljósi að stofna til samstarfs um leiki milli landsliða í knattspyrnu sem um ræðir”. Mannréttindasamtök á borð við Amnesty International auk Íslands á vettvangi Sameinuðu þjóðanna hafa bent á að mannréttindi séu fótum troðin í Sádi-Arabíu. Síðustu ár hefur til að mynda verið fjallað um mikinn fjölda dauðarefsinga og morðið á blaðamanninum Jamal Khashoggi en einnig að pyntingar séu notaðar sem refsing, tjáningarfrelsi sé heft, mótmæli gerð glæpsamleg og konum mismunað með víðtækum hætti. Sádar eru á meðal þátttökuþjóða á HM í Katar og vöktu mikla athygli með fræknum 2-1 sigri sínum gegn Argentínu í fyrsta leik en töpuðu svo 2-0 gegn Póllandi um helgina.
Vegna umfjöllunar um samskipti KSÍ við Knattspyrnusamband Sádi-Arabíu Varðandi samskipti KSÍ við utanríkisráðuneytið vill sambandið koma því á framfæri að haustið 2021 hófust samskipti KSÍ við Knattspyrnusamband Sádi-Arabíu þar sem ræddar voru hugmyndir um samstarf. Hugmyndirnar voru í mörgum liðum og snerust allar um að skiptast á þekkingu og fræðslu um uppbyggingu knattspyrnu, allt frá starfsemi og rekstri knattspyrnusambanda yfir í réttindamál, sem og grasrótarstarf, kvennaknattspyrnu og afreksstarf. Einnig var rætt um mögulegan vináttuleik milli landsliða þjóðanna í janúar 2022. Í kjölfarið hafði KSÍ samband við utanríkisráðuneytið til að afla upplýsinga og ráðgjafar vegna stöðu mannréttindamála í Sádi-Arabíu. Utanríkisráðuneytið svaraði og sá ekkert athugavert við fyrirhugað samstarf eða fyrirhugaðan landsleik. Ekki varð þó af þessu samstarfi og ekki varð af janúar-leiknum. Í vor barst svo beiðni frá Knattspyrnusambandi Sádi-Arabíu um vináttuleik þjóðanna í nóvember. KSÍ leitaði ekki eftir áliti utanríkisráðuneytisins vegna þess leiks – því svarið lá fyrir þegar halda átti leik í janúar. Í svari formanns KSÍ í viðtali við Vísi frá því í júní á þessu ári, sem vitnað hefur verið til í fréttum fjölmiðla, er formaðurinn að vísa til þeirra gagna sem lágu fyrir. Í svari utanríkisráðuneytisins kom fram að „ráðuneytið sjái ekkert athugavert við gerð slíks samnings, sem hefur það að leiðarljósi að stofna til samstarfs um leiki milli landsliða í knattspyrnu sem um ræðir”.
Fótbolti KSÍ Utanríkismál Stjórnsýsla Mest lesið Harma auglýsingar á gólfi og vilja banna þær eftir meiðsli Martins Körfubolti „Þið eruð lið fullt af feitabollum“ Enski boltinn Sjáðu dramatísku vítakastskeppnina í Eyjum Handbolti Drakk átta bjóra fyrir beina útsendingu Fótbolti Sló í myndavél og gæti fengið bann Körfubolti Aron í myndatöku í dag vegna meiðslanna Handbolti Vatnaskil hjá Red Bull og risafréttir fyrir Formúlu 1 Formúla 1 Segir aðeins þau hlutlausu hafa skemmt sér yfir fótbolta Ten Hag Enski boltinn Fengið nóg af því að vera ruslakista fyrir viðbjóð frá fólki Körfubolti Sjáðu mark Füllkrugs sem kom Dortmund í bílstjórasætið Fótbolti Fleiri fréttir Í beinni: Fylkir - Keflavík | Nýliðarnir enn ósigraðir Í beinni: Chelsea - Tottenham | Tíminn að renna út fyrir Spurs Í beinni: Valur - Víkingur | Íslands- og bikarmeistararnir mætast Í beinni: Þór/KA - Þróttur | Sandra María verið óstöðvandi Sjáðu mark Füllkrugs sem kom Dortmund í bílstjórasætið „Þið eruð lið fullt af feitabollum“ Besta upphitunin: „Finn ekki fyrir pressunni“ Tekur fyrir að starfsfólk Manchester United vinni að heiman Skúrkurinn endaði sem hetjan Drakk átta bjóra fyrir beina útsendingu Dortmund tók aukasætið sem ensku liðin dreymdi um Rangnick hafnar Bayern München Segir aðeins þau hlutlausu hafa skemmt sér yfir fótbolta Ten Hag FH fékk tvær sektir frá KSÍ Dortmund leiðir þökk sé þrumuskoti Füllkrug Logi kom inn af bekknum og skoraði í stórsigri Mark dæmt af Bjarka og dramatík hjá Alexöndru Sjáðu mörkin úr stórleiknum í München Júlíus og félagar unnu frækinn bikarsigur á Rosenborg Kenndi gráðugum Kim um bæði mörkin gegn Real Madrid Lewandowski gæti verið seldur á brunaútsölu Barcelona Bellingham reyndi að taka Kane á taugum fyrir vítið Heillaóskum rigndi yfir fimmtán ára hetju Fram í skólanum „Vestri hefur verið að taka leikhlé“ Courtois ekki með Belgíu á EM Einvígið galopið eftir jafntefli í Þýskalandi „Þú veist alveg svarið við þessu“ Sextán ára og skoraði hjá Arsenal eins og Rooney forðum Víkingar bjóða Grindvíkingum í Víkina á morgun „Real Madrid lofaði mér að ég yrði arftaki Modric“ Sjá meira