Erlent

Telja rað­morðingja vera á ferð um Rómar­borg

Bjarki Sigurðsson skrifar
Lögreglan telur að morðinginn hafi í það minnsta myrt þrjár konur.
Lögreglan telur að morðinginn hafi í það minnsta myrt þrjár konur. Getty/Andrea Savorani Neri

Lögreglan í Rómarborg á Ítalíu telur að raðmorðingi beri ábyrgð á dauða þriggja kvenna sem fundust látnar í vikunni. Konurnar þrjár voru allar vændiskonur af erlendum uppruna.

Tvær kvennanna fundust á sama tíma í gær. Önnur fannst við inngang íbúðar í Vittoria-hverfi og fannst lík hinnar konunnar inni í íbúðinni. Íbúðin er staðsett rétt hjá Vatíkaninu og hæstarétti Ítalíu. Báðar konurnar voru af kínverskum uppruna og á fimmtugsaldri. 

Þriðja konan fannst í kjallaraíbúð nálægt þar sem hin tvö líkin fundust. Sú var af kólumbískum uppruna og hafði verið stungin í háls, bak og bringu. The Guardian greinir frá því að lögreglan í Rómarborg telji að raðmorðingi beri ábyrgð á morðunum. 

Að selja vændi er ekki ólöglegt á Ítalíu en skipulagðir vændishringar og vændishús eru ólögleg. 

Ítalía Erlend sakamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið