Kalda­vatns­laust í vestur­bæ Reykja­víkur og Sel­tjarnar­nesi vegna bilunar

Þetta kemur fram á vef Veitna. Þar segir að varað sé við slysahættu vegna þess að einungis komi heitt vatn úr blöndunartækjum. 

„Ef þú þarft að sturta niður úr salerninu geturðu notað til þess heita vatnið. Gættu þess þó að það sé ekki alveg sjóðheitt því það getur sprengt postulín.

Þurfirðu neysluvatn meðan á kaldavatnsleysinu stendur, geturðu notað vatn úr heita krananum og kælt það. Brennisteinninn í vatninu getur valdið sumum óþægindum en er skaðlaus.

Starfsfólk Veitna biðst velvirðingar á óþægindum vegna þessa,“ segir á vef Veitna.