KÚNST: Kvennakraftur í kirkjugarði

Dóra Júlía Agnarsdóttir skrifar 23. október 2022 11:01

Þrándur Þórarinsson er viðmælandi í nýjasta þætti af Kúnst. Arnar Halldórsson

„Ég vildi fá að hafa smá femíniska slagsíðu í þessu,“ segir listamaðurinn Þrándur Þórarinsson um verk sem hann málaði af Þorbjörgu Sveinsdóttur, ljósmóður og kvenréttindabaráttukonu, og Guðrúnu Oddsdóttur, fyrstu manneskjunni sem var jörðuð í Hólavallagarði. Þrándur er viðmælandi í nýjasta þætti af Kúnst.

Þáttinn má sjá í heild sinni í spilaranum hér að neðan.

Í listaverkinu standa þær Þorbjörg og Guðrún í Hólavallagarði en Þrándur segir frá gamalli hjátrú um að fyrsta manneskjan í kirkjugarðinum yrði vökukona sem tæki á móti þeim sem yrðu jarðaðir þar. Hólavallagarður hefur löngum verið Þrándi hugleikinn en hann hefur málað ýmis listaverk þaðan og íbúð hans er með útsýni yfir garðinn.

Þjóðsögur fá nýtt líf á striganum

Það gefur augaleið í verkum Þrándar að hann sækir gjarnan innblástur í bókmenntir.

„Ég er nú mjög bókelskur og hef gaman að bókum, ævintýrum og þjóðsögum. Ég finn það líka að fólk finnur tengingu við þetta og það er gaman að geta miðlað áfram einhverju eins og þjóðsögum sem fólk hefur tengingu við.“

Þættirnir KÚNST með Dóru Júlíu rannsaka hinar ýmsu víddir listsköpunar, ólíka listmiðla og sköpunargleði hjá íslenskum samtíma listamönnum ásamt því að fá að skyggnast bak við tjöldin og heyra um persónulegt líf þeirra.

Kúnst Menning Myndlist Kirkjugarðar

Tengdar fréttir

KÚNST: Rembrandt var fyrsta ástin

Þrándur Þórarinsson skapar gjarnan ævintýralega heima með myndlist sinni og sækir meðal annars innblástur í bókmenntir, tónlist og gömlu klassísku meistarana. Hann segir listina hafa kallað á sig á barnsaldri, þá byrjaði hann að teikna og hefur ekki hætt síðan. Þrándur er viðmælandi í nýjasta þætti af Kúnst.

18. október 2022 06:30

KÚNST: Ákvað að verða myndlistarmaður þegar hann var tíu ára

Sigurður Sævar Magnúsarson er listamaður sem segir listina hafa fylgt sér nánast allt sitt líf. Hann festi nýverið kaup á gamla Argentínuhúsinu á Barónsstíg þar sem hann hyggst setja upp ýmsa menningar- og listviðburði á næstu árum. Sigurður Sævar er viðmælandi vikunnar í nýjasta þætti af KÚNST.

4. október 2022 06:31

KÚNST: „Við erum öll í grunninn nakin“

Fjöllistakonan Júlíanna Ósk Hafberg er hugfangin af mjúkri, berskjaldaðri og kvenlægri orku en vinnustofa hennar og verk endurspegla það með sanni. Júlíanna Ósk notast við fjölbreytta miðla í listsköpun sinni, smíðar sína eigin ramma, opnaði vinnustofu í miðbænum og lætur ekkert stoppa sig en hún er viðmælandi í nýjasta þætti af Kúnst.

22. september 2022 06:30

Listasýningar með ömmu í æsku kveiktu á sköpunargleðinni

Lágmyndir hafa heillað listamanninn Pétur Geir Magnússon frá ungum aldri og í dag hefur hann fært þær inn í nútímalegt form í listsköpun sinni. Pétur Geir, sem er búsettur og starfræktur í Stokkhólmi, er með bakgrunn í grafískri hönnun en kallar sig hagnýtan myndlistarmann og nálgast listaverk sín á einstakan hátt. Pétur Geir er viðmælandi í nýjasta þætti af KÚNST, sem er jafnframt fyrsti þáttur í seríu tvö.

6. september 2022 07:58