Íslenska landsliðið er nú í 62. sæti listans og hækkar sig á listanum í fyrsta sinn síðan í upphafi ársins.

Ísland var í 60. sæti á fyrsta lista ársins í febrúar en hafði verið í 63. sætinu frá því í mars.

Ísland kemst með þessu upp fyrir landslið Jamaíka á listanum sem dettur niður í 64. sæti eða niður um tvö sæti.

Heimir Hallgrímsson, fyrrum landsliðsþjálfari Íslands, er einmitt tekinn við landsliði Jamaíka.

Brasilía er áfram í efsta sæti listans og hinar þjóðirnar á topp fimm; Belgía, Argentína, Frakkland og England, halda líka sínu sæti.

Ítalir fara aftur á móti upp um eitt sæti og komast upp fyrir Spán.

Danir eru áfram á topp tíu og einu sæti ofar en Þjóðverjar.