Fótbolti

Sævar kom inn af bekknum og bjargaði stigi fyrir Lyngby

Hjörtur Leó Guðjónsson skrifar
Freyr Alexandersson er þjálfari Lyngby. Sævar Atli Magnússon tryggði liðinu stig í dag.
Freyr Alexandersson er þjálfari Lyngby. Sævar Atli Magnússon tryggði liðinu stig í dag. Mynd/Lyngby

Sævar Atli Magnússon reyndist hetja danska úrvalsdeildarfélagsins Lyngby er hann kom inn af varamannabekknum og tryggði liðinu jafntefli gegn Bröndby. Lokatölur 3-3, en Sævar kom inn af bekknum fyrir Alfreð Finnbogason sem hafði lagt upp fyrsta mark liðsins.

Alfreð lagði upp fyrsta mark liðsins strax á áttundu mínútu, en heimamenn í Bröndby voru búnir að skora tvö mörk tíu mínútum síðar og staðan var 2-1 þegar gengið var til búningsherbergja.

Gestirnir í Lyngby jöfnuðu metin á nýjan lek eftir um klukkutíma leik áður en heimamenn komust í 3-2 þegar um stundarfjórðungur var eftir af venjulegum leiktíma.

Sævar Atli kom inn af varamannabekknum á 82. mínútu fyrir Alfreð Finnbogason sem fékk sér sæti á bekknum, en Sævar var aðeins búinn að vera inni á vellinum í um sex mínútur þegar hann skoraði jögnunarmark liðsins og tryggði liðinu 3-3 jafntefli.

Lyngby situr enn á botni dönsku úrvalsdeildarinnar með fjögur stig eftir ellefu leiki og hefur ekki enn unnið leik á tímabilinu. Bröndby situr tveimur sætum ofar með 12 stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.