Fótbolti

Tindastóll upp í annað sæti eftir endurkomusigur

Hjörtur Leó Guðjónsson skrifar
Tindastóll nálgast sæti í Bestu-deild kvenna.
Tindastóll nálgast sæti í Bestu-deild kvenna. Vísir/Hulda Margrét

Tindastóll lyfti sér upp í annað sæti Lengjudeildar kvenna er liðið vann 2-3 útisigur gegn sameinuðu liði Fjarðabyggðar/Hattar/Leiknis í dag.

Heimakonur tóku forystuna eftir rúmlega hálftíma leik með marki frá Linli Tu og staðan var 1-0 þegar flautað var til hálfleiks.

Gestirnir í Tindastóli jöfnuðu metin þegar tæpar tuttugu mínútur voru til leiksloka með marki frá Murielle Tiernan, en stuttu síðar skoraði Melissa Garcia annað mark liðsins og staðan orðin 1-2.

Linli Tu minnkaði jafnaði metin fyrir heimakonur þegar um tíu mínútur voru til leiksloka, en Arna Kristinsdóttir tryggði gestunum sigur með marki á 89. mínútu.

Niðurstaðan 2-3 sigur Tindastóls og liðið er nú í öðru sæti deildarinnar með 34 stig þegar þrír leikir eru eftir. Liðið er í harðri baráttu við FH og HK á toppi deildarinnar, en efstu tvö liðin vinna sér inn sæti í Bestu-deild kvenna.




Fleiri fréttir

Sjá meira


×