Sport

Úlfhildur Arna fyrst Íslendinga til að vinna verðlaun á EM

Óskar Ófeigur Jónsson skrifar
Úlfhildur Arna Unnarsdóttir með finnska Evrópumeistaranum Janette Ylisoini.
Úlfhildur Arna Unnarsdóttir með finnska Evrópumeistaranum Janette Ylisoini. Instagram/@ulfhildurarna

Úlfhildur Arna Unnarsdóttir vann í dag þrenn silfurverðlaun á Evrópumeistaramóti unglinga í ólympískum lyftingum í Póllandi.

Þetta er sögulegur árangur því Úlfhildur Arna varð þar með fyrsti Íslendingurinn sem vinnur verðlaun á Evrópumóti í ólympískum lyftingum.

Úlfhildur Arna keppti í U17 flokki og fékk silfur í snörun, jafnhendingu sem og samanlagt.

Hún lyfti 80 kílóum í snörun og 101 kílói í jafnhendingu eða 181 kílói samanlagt.

Armensk stúlka varð í þriðja sæti í snörun en Evrópumeistarinn kom frá Finnlandi.

Þýsk stelpa varð í þriðja sæti í jafnhendingu en Evrópumeistarinn kom frá Finnlandi.

Þýska stelpan lyfti 178 kílóum samanlagt og vann brons í samanlögðu en finnski Evrópumeistarinn, Janette Ylisoini, vann sannfærandi sigur með því að lyfta 201 kílóum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.