Erlent

Rússar halda á­fram sprengju­á­rásum á al­menna borgara

Árni Sæberg skrifar
Minnisvarða hefur verið komið upp í borginni Vinnytsja þar sem 23 almennir borgarar voru drepnir á fimmtudag.
Minnisvarða hefur verið komið upp í borginni Vinnytsja þar sem 23 almennir borgarar voru drepnir á fimmtudag. Efrem Lukatsky/AP

Rússneskt stórskotalið gerði í morgun árás á borgina Nikopol í suðurhluta Úkraínu. Tveir létust í árásinni en minnst 37 almennir borgarar hafa látist af völdum árása Rússa í Úkraínu síðustu þrjá daga.

Viðbragðsaðilar í Úkraínu tilkynntu í morgun að tveir hafi látist í árásinni á Nikopol og tveir væru fastir undir rústum húss. Reuters greinir frá.

Í gærkvöldi gerðu rússar eldflaugaárás á borgina Dnipro, sem er í um hundrað kílómetra fjarlægð frá Nikopol, með þeim afleiðingum að þrír létust og fimmtán voru særðir.

Þá létust þrír, þar á meðal sjötug kona, þegar Rússar skutu eldflaugum á bæ í Kharkív í nótt. Oleh Synehubov, héraðsstjóri Kharkív, greindi frá því á Telegram að viðbragðsaðilar væru að leita fólks í rústum íbúðarhúsa, skóla og verslunar í bænum Chuhuiv.

23 létust á fimmtudag þegar Rússar skutu fjórum eldflaugum á borgina Vinnytsja á fimmtudag. Þar á meðal var hin fjögurra ára Lísa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×