Dagskráin í dag: Körfubolti og golf í aðalhlutverki

Það eru fimm beinar útsendingar á stöðvum Stöðvar 2 Sport í dag. Það verður sýnt beint frá því þegar leikið verður áfram í úrslitaeinvígi NBA-deildarinnar og undanúrslitum ACB-deildarinnar. Þá er golf víðs vegar um heiminn á dagskrá.

Stöð 2 Sport 2

Barca og Badalona mætast í fjórða leik sínum í undanúrslitum ACB-deildarinnar og hefst útsendingin klukkan 18.50.

Hitað verður svo upp fyrir fjórða leik Boston Celtics og Golden State Warriors í úrslitum NBA frá klukkan 00.30 en leikurinn hefst svo klukkan 01.00. 

Stöð 2 Golf

Sýnt verður frá Scandinavian Mixed sem er hluti af DP World Tour. Þá verður sýnt frá mótum á PGA og LPGA-mótaröðunum.