Útskrifast með tíu í meðaleinkunn Ólafur Björn Sverrisson skrifar 23. maí 2022 15:54 Elín Anna Óskarsdóttir er dúx Framhaldsskólans á Húsavík með 10 í meðaleinkunn. Slíkt er einsdæmi, mögulega á landsvísu. Elín Anna Óladóttir er dúx Framhaldsskólans á Húsavík árið 2022. Brautskráning var á laugardaginn og gleðin allsráðandi, sér í lagi hjá Elínu Önnu enda árangurinn ekkert smáræði: Hún útskrifast með tíu í öllum áföngum og þar með tíu í meðaleinkunn. Elín var hógvær í samtali við fréttastofu en segir nám þó ávallt hafa legið vel fyrir sér. „Mér hefur alltaf þótt gaman að læra og læra nýja hluti. Ég legg mig alltaf alla fram og geri mitt allra besta. Ef ég veit að ég hef gert mitt besta get ég verið sátt.“ segir Elín í samtali við Vísi en mbl.is greindi fyrst frá. Elín segist læra heima um það bil á hverjum degi en reyni að læra sem mest í skólanum. „Það fer bara eftir því hvað það er mikið að gera, ég er ekki endilega með eitthvað sérstakt plan. Ég fer allavega ekki í próf án þess að vera sátt með vinnuframlagið.“ Setur pressu á sig ómeðvitað Milli lærdóms vann Elín í bókabúð en þó nokkur hluti námsins fór fram í fjarnámi sem Elín segir mögulega hafa leitt til þess að meiri tími fór í námið en ella. Elín var á náttúruvísindabraut og þótti skemmtilegast í efnafræði og líffræði. Þrátt fyrir framúrskarandi árangur verður stefnan ekki sett á geimvísindi eftir útskrift. „Nei, kannski ekki geimvísindi. Mér finnst margt koma til greina, ég var alltaf að stefna á eitthvað raunvísindatengt en ekki endilega núna. Ég er ekki alveg búin að ákveða mig en ég er á leiðinni í hönnunarlýðháskóla í Danmörku í haust þar sem ég verð á arkitektúrbraut. Þannig ég tek mér pásu núna til að ákveða hvað ég mun gera í framhaldinu.“ Elín Anna segist ekki endilega hafa búist við því að verða dúx skólans. Það var þó ekki mikil hætta á öðru með 10 í meðaleinkunn.Aðsend Elín Anna ber kennurunum og skólanum söguna mjög vel. „Þetta er lítill skóli og þjónustan persónuleg. Kennararnir eru frábærir og ég hef ekkert út á skólann að setja. Ég veit svo sem ekki af hverju mér gekk svona vel, ætli ég setji ekki svolítið mikla pressu á mig ómeðvitað.“ Hún segist ekki vita hvort það sé einsdæmi innan skólans að útskrifast með tíu í meðaleinkunn en Valgerður Gunnarsdóttir, skólameistari Fjölbrautaskólans á Húsavík, gat staðfest það í samtali við fréttastofu. „Jú þetta er einsdæmi. Við höfum þó verið að brautskrá nemendur með mjög háa meðaleinkunn. Það eru tvö ár síðan við útskrifuðum nemenda með um það bil 9,80. En nei, þetta hefur ekki gerst áður enda er þetta afbragðsnemandi. Hún Elín Anna vinnur allt mjög vel og skilar alltaf af sér meiru en hún er beðin um. Kafar dýpra í efnið en gerðar eru kröfur um á menntaskólastigi.“ Alls ekki létt próf Valgerður segir skólann ekki vera með of létt próf og hlær að þessari ályktun fréttamanns. „Nei, ég átti nú eiginlega von á svona spurningu. En eins og ég hef sagt að þegar hún Elín kemur í háskóla sjá menn að það er 100 prósent innistæða fyrir þessum árangri.“ Valgerður gagnrýnir þar að auki gamaldags hátt skólanna sem leggi gildrur fyrir nemendur. „Við leggjum mikla áherslu á það að kennarar og starfsmenn skólans eru hér til að aðstoða nemendur við að afla sér upplýsinga. Í dag snýst þetta miklu meira um aðferðarfræði, frekar en utanbókarlærdóm. Skólakerfið hefur í raun verið seglskúta í samanburði við vélskip atvinnulífsins og þjóðfélagsins.“ Valgerður Gunnarsdóttir, skólameistari Fjölbrautaskólans á Húsavík, hefur sterkar skoðanir á framsækni í námskerfinu. Félagslífinu fagnað Það sé þó ekki einungis góðum námsárangri gefinn gaumur í Fjölbrautarskólanum á Húsavík. „Við erum einnig að veita viðurkenningu fyrir góðan skólaþegn og það var ungur maður sem heitir Þorri Gunnarsson sem hlaut þá viðurkenningu. Þá viðurkenningu hljóta einstaklingar sem eru viljugir til verka og ábyrgðar í félagslífi skólans. Þannig við erum að einnig að veita viðurkenningar fyrir þátttöku í félagslífi, sem er mjög ánægjulegt þar sem að nýliðinn vetur er í raun sá fyrsti þar sem þessi árgangur upplifir eðlilegt skóla- og félagslíf.“ Valgerður tekur einnig fram að nýliðinn vetur hafi skólinn hafið kennslu í rafíþróttum, svo framsæknir eru starfshættirnir fyrir norðan. „Það er virkilega spennandi og krakkarnir sem komu úr grunnskólunum eru mjög spenntir fyrir því. Þá voru nemendur skólans jafnframt að keppa í rafíþróttum nú í vetur og það gekk mjög vel,“ sagði Valgerður að lokum. Skóla- og menntamál Norðurþing Framhaldsskólar Tímamót Dúxar Mest lesið Bandaríkin beittu neitunarvaldinu gegn kröfu um vopnahlé Erlent Raunvirði íbúða lækkar á ný Innlent Mótmælir breyttu fyrirkomulagi í nemendaráðskosningum Innlent „Hver ætlar að fylgjast með því að hann komi ekki til baka?“ Innlent Grunaður um að fara inn á heimili fjölskyldu og brjóta þar á barni Innlent Hundruð milljóna vanti: „Þetta er hreint misrétti“ Innlent Ók á vegavinnumann og flúði vettvang Innlent Kimmel tekinn af dagskrá: Donald Trump grafi undan lýðræðinu Innlent Fór inn á heimili, klæddi sig úr fötunum og sofnaði í stól Innlent Vítamínmarkaðurinn á Íslandi eins og villta vestrið Innlent Fleiri fréttir „Það er erfitt að berjast fyrir eigin réttindum þegar maður er veikur“ Fór inn á heimili, klæddi sig úr fötunum og sofnaði í stól 3,9 stiga skjálfti í Bárðarbungu Raunvirði íbúða lækkar á ný Mótmælir breyttu fyrirkomulagi í nemendaráðskosningum Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Sjá meira
Elín var hógvær í samtali við fréttastofu en segir nám þó ávallt hafa legið vel fyrir sér. „Mér hefur alltaf þótt gaman að læra og læra nýja hluti. Ég legg mig alltaf alla fram og geri mitt allra besta. Ef ég veit að ég hef gert mitt besta get ég verið sátt.“ segir Elín í samtali við Vísi en mbl.is greindi fyrst frá. Elín segist læra heima um það bil á hverjum degi en reyni að læra sem mest í skólanum. „Það fer bara eftir því hvað það er mikið að gera, ég er ekki endilega með eitthvað sérstakt plan. Ég fer allavega ekki í próf án þess að vera sátt með vinnuframlagið.“ Setur pressu á sig ómeðvitað Milli lærdóms vann Elín í bókabúð en þó nokkur hluti námsins fór fram í fjarnámi sem Elín segir mögulega hafa leitt til þess að meiri tími fór í námið en ella. Elín var á náttúruvísindabraut og þótti skemmtilegast í efnafræði og líffræði. Þrátt fyrir framúrskarandi árangur verður stefnan ekki sett á geimvísindi eftir útskrift. „Nei, kannski ekki geimvísindi. Mér finnst margt koma til greina, ég var alltaf að stefna á eitthvað raunvísindatengt en ekki endilega núna. Ég er ekki alveg búin að ákveða mig en ég er á leiðinni í hönnunarlýðháskóla í Danmörku í haust þar sem ég verð á arkitektúrbraut. Þannig ég tek mér pásu núna til að ákveða hvað ég mun gera í framhaldinu.“ Elín Anna segist ekki endilega hafa búist við því að verða dúx skólans. Það var þó ekki mikil hætta á öðru með 10 í meðaleinkunn.Aðsend Elín Anna ber kennurunum og skólanum söguna mjög vel. „Þetta er lítill skóli og þjónustan persónuleg. Kennararnir eru frábærir og ég hef ekkert út á skólann að setja. Ég veit svo sem ekki af hverju mér gekk svona vel, ætli ég setji ekki svolítið mikla pressu á mig ómeðvitað.“ Hún segist ekki vita hvort það sé einsdæmi innan skólans að útskrifast með tíu í meðaleinkunn en Valgerður Gunnarsdóttir, skólameistari Fjölbrautaskólans á Húsavík, gat staðfest það í samtali við fréttastofu. „Jú þetta er einsdæmi. Við höfum þó verið að brautskrá nemendur með mjög háa meðaleinkunn. Það eru tvö ár síðan við útskrifuðum nemenda með um það bil 9,80. En nei, þetta hefur ekki gerst áður enda er þetta afbragðsnemandi. Hún Elín Anna vinnur allt mjög vel og skilar alltaf af sér meiru en hún er beðin um. Kafar dýpra í efnið en gerðar eru kröfur um á menntaskólastigi.“ Alls ekki létt próf Valgerður segir skólann ekki vera með of létt próf og hlær að þessari ályktun fréttamanns. „Nei, ég átti nú eiginlega von á svona spurningu. En eins og ég hef sagt að þegar hún Elín kemur í háskóla sjá menn að það er 100 prósent innistæða fyrir þessum árangri.“ Valgerður gagnrýnir þar að auki gamaldags hátt skólanna sem leggi gildrur fyrir nemendur. „Við leggjum mikla áherslu á það að kennarar og starfsmenn skólans eru hér til að aðstoða nemendur við að afla sér upplýsinga. Í dag snýst þetta miklu meira um aðferðarfræði, frekar en utanbókarlærdóm. Skólakerfið hefur í raun verið seglskúta í samanburði við vélskip atvinnulífsins og þjóðfélagsins.“ Valgerður Gunnarsdóttir, skólameistari Fjölbrautaskólans á Húsavík, hefur sterkar skoðanir á framsækni í námskerfinu. Félagslífinu fagnað Það sé þó ekki einungis góðum námsárangri gefinn gaumur í Fjölbrautarskólanum á Húsavík. „Við erum einnig að veita viðurkenningu fyrir góðan skólaþegn og það var ungur maður sem heitir Þorri Gunnarsson sem hlaut þá viðurkenningu. Þá viðurkenningu hljóta einstaklingar sem eru viljugir til verka og ábyrgðar í félagslífi skólans. Þannig við erum að einnig að veita viðurkenningar fyrir þátttöku í félagslífi, sem er mjög ánægjulegt þar sem að nýliðinn vetur er í raun sá fyrsti þar sem þessi árgangur upplifir eðlilegt skóla- og félagslíf.“ Valgerður tekur einnig fram að nýliðinn vetur hafi skólinn hafið kennslu í rafíþróttum, svo framsæknir eru starfshættirnir fyrir norðan. „Það er virkilega spennandi og krakkarnir sem komu úr grunnskólunum eru mjög spenntir fyrir því. Þá voru nemendur skólans jafnframt að keppa í rafíþróttum nú í vetur og það gekk mjög vel,“ sagði Valgerður að lokum.
Skóla- og menntamál Norðurþing Framhaldsskólar Tímamót Dúxar Mest lesið Bandaríkin beittu neitunarvaldinu gegn kröfu um vopnahlé Erlent Raunvirði íbúða lækkar á ný Innlent Mótmælir breyttu fyrirkomulagi í nemendaráðskosningum Innlent „Hver ætlar að fylgjast með því að hann komi ekki til baka?“ Innlent Grunaður um að fara inn á heimili fjölskyldu og brjóta þar á barni Innlent Hundruð milljóna vanti: „Þetta er hreint misrétti“ Innlent Ók á vegavinnumann og flúði vettvang Innlent Kimmel tekinn af dagskrá: Donald Trump grafi undan lýðræðinu Innlent Fór inn á heimili, klæddi sig úr fötunum og sofnaði í stól Innlent Vítamínmarkaðurinn á Íslandi eins og villta vestrið Innlent Fleiri fréttir „Það er erfitt að berjast fyrir eigin réttindum þegar maður er veikur“ Fór inn á heimili, klæddi sig úr fötunum og sofnaði í stól 3,9 stiga skjálfti í Bárðarbungu Raunvirði íbúða lækkar á ný Mótmælir breyttu fyrirkomulagi í nemendaráðskosningum Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Sjá meira