Lífið

„Enginn annar ætti að sjást í þessum kjól“

Elísabet Hanna skrifar
Kim Kardashian fékk kjólinn sendan til sín í einkaflugvél frá Ripley's Believe It or Not safninu.
Kim Kardashian fékk kjólinn sendan til sín í einkaflugvél frá Ripley's Believe It or Not safninu. Getty/Gotham

Bob Mackie, hönnuður fræga kjólsins sem Kim Kardashian klæddist á Met Gala þetta árið og Marilyn Monroe heitin klæddist þegar hún söng afmælissönginn fyrir John F. Kennedy segir það hafa verið stór mistök að lána Kim kjólinn.

Bob er frægur búningahönnuður sem teiknaði upp umræddan kjól árið 1962 þegar hann starfaði sem aðstoðarmaður hjá Jean Louis. Hann segir Marilyn hafa verið gyðju og að enginn jafnist á við hana.

„Mér fannst þetta vera stór mistök,“ 

sagði hann í viðtali við Entertainment Weekly og bætti við „Hann var hannaður fyrir hana. Enginn annar ætti að sjást í þessum kjól.“

Marilyn Monroe þegar hún flutti afmælissönginn fyrir John F. Kennedy í Madison Square Garden.Getty/Bettmann

Söguleg flík sem þarf að meðhöndla rétt til að varðveita

Hönnuðurinn, líkt og aðrir sem starfa í sama fagi, hafa lýst yfir áhyggjum um það hvernig fordæmi það setur fyrir aðra að hún hafi fengið að klæðast þessum sögulega kjól. Alicia Malone ræddi við Bob um kjólinn í væntanlegri CNN seríu Follow the thread og hún tók undir þær áhyggjur:

„Það eru öll vandamálin með raunverulega varðveislu kjólsins og hlutir eins og súrefni geta haft áhrif á kjól,“

sagði hún og bætti við að venjulega væru slíkar flíkur geymdar í mjög stýrðu umhverfi líkt og sé gert hjá Met búningasafninu sem hún segir meðhöndla söguleg klæði af virðingu. „Það veldur mér óhug að hún hafi getað klæðst honum. Ég hefði persónulega viljað að hún hafi klæðst eftirmynd í stað alvöru kjólsins.“

Kim sýndi kjólnum mikla virðingu

Þegar Kim klæddist kjólnum á Met Gala var hún aðeins í upprunalega kjólnum þegar hún gekk inn á viðburðinn þar sem ljósmyndir voru teknar og skipti svo yfir í eftirlíkingu af kjólnum. 

„Ég sýndi kjólnum mikla virðingu og því sem hann þýðir fyrir sögu Ameríku. Ég myndi aldrei vilja setjast í honum eða borða í honum eða hætta á það að valda honum einhverjum skemmdum og ég verð ekki með líkamsfarða líkt og ég geri vanalega“ sagði Kim í viðtali við Vogue um kjólinn.

Gagnrýnd fyrir aðferðir

Til þess að komast í kjólinn missti Kim rúmlega sjö kíló á þremur vikum og hefur hún hlotið mikla gagnrýni fyrir það fordæmi sem hún sýndi með því að tjá sig um það og aðferðirnar sem hún notaðist við í viðtalinu við Vogue:

„Ég var í svitagalla tvisvar á dag, hljóp á hlaupabrettinu, klippti út allan sykur og allt kolvetni og borðaði bara hreinasta grænmetið og proteinið. Ég svelti mig ekki en ég var svo ströng,“

sagði hún. Ýmsar stjörnur og næringafræðingar hafa lýst yfir áhyggjum sínum á þessum orðum sem hún lét falla og hvaða áhrif það getur haft á aðra. Leikkonan Lili Reinhart var þar fremst í flokki og sagði meðal annars:

„Að viðurkenna opinskátt að hafa svelt sig í þágu Met Gala. Þegar þú veist vel að milljónir ungra manna og kvenna horfa upp til þín og hlusta á hvert orð þitt. Fáfræðin er ógeðsleg, viðbjóður."

Tengdar fréttir

Kim skein skærast í kjól frá Marilyn Monroe

Tískuviðburður ársins, Met Gala, fór fram með pomp og prakti í gærkvöldi á Metropolitan safninu í New York. Þar mætast listir, menning og tíska á óaðfinnanlegan hátt og stórstjörnur heimsins ganga rauða dregilinn í einhverjum dýrustu flíkum heims. 

Kórónur, tvífarar og glitrandi klæði á Met Gala

Met Gala fór fram í gær, fyrsta mánudaginn í maí á Metropolitan listasafninu í New York. Anna Wintour hefur verið gestgjafi síðan 1995 en á viðburðinum fer fram söfnun fyrir búningadeild safnsins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.