Íslenski boltinn

Sjáðu neglu Daníels og ör­v­fættu reynslu­boltana galdra fram sigur­mark

Óskar Ófeigur Jónsson skrifar
Þórarinn Ingi Valdimarsson átti stóran þátt í sigurmarkið með geggjaðri sendingu úr öftustu línu. Hér fagnar hann sigri Stjörnunnar í leikslok.
Þórarinn Ingi Valdimarsson átti stóran þátt í sigurmarkið með geggjaðri sendingu úr öftustu línu. Hér fagnar hann sigri Stjörnunnar í leikslok. Visir/Hulda Margrét

Stjarnan varð fyrsta liðið til að vinna Valsmenn í gær en eina mark leiksins kom ekki fyrr en í uppbótartíma. FH og KA unnu einnig góða sigra þegar sjötta umferð Bestu deildarinnar fór af stað en hér má ská öll mörkin frá því í gær.

Varamaðurinn Oliver Haurits tryggði Stjörnunni 1-0 sigur á Val með marki á annarri mínútu uppbótatímans aðeins sjö mínútum eftir að hann kom inn á fyrir markahæsta leikmann Bestu deildarinnar.

Haurits átti ekki í miklum vandræðum með að renna boltanum í markið en áður höfðu örvfættu reynsluboltarnir Þórarinn Ingi Valdimarsson og Óskar Örn Hauksson opnað vörn Valsmanna með frábærri samvinnu.

Þórarinn Ingi þræddi boltanum úr öftustu línu inn í frábært hlaup Óskars Arnar inn í teiginn og Óskar Örn gerði mjög vel að finna Haurits galopinn fyrir framan markið.

Klippa: Stúkan: Markasyrpa frá sunnudeginum 15. maí 2022

Matthías Vilhjálmsson kom FH í 1-0 á móti ÍBV og Davíð Snær Jóhannsson opnaði síðan markareikning sinn hjá Hafnarfjarðarliðinu í þessum 2-0 sigri.

Daníel Hafsteinsson, Elfar Árni Aðalsteinsson og Jakob Snær Árnason skoruðu mörk KA í 3-0 á ÍA upp á Skaga en mark Daníels var sérstaklega glæsilegt þrumuskot fyrir utan teig sem endaði upp í bláhorninu á marki Skagamanna.

Hér fyrir ofan og neðan má sjá öll mörkin sem voru skoruð í Bestu deildinni í gær og fyrir neðan lengri útgáfu af hinum glæsilega undirbúningi Þórarins Inga og Óskars Arnar.

Klippa: Sigurmark Stjörnunnar á móti Val 15. maí 2022



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.