Veður

Hvassast vestan­til og élja­gangur á Norður- og Austur­landi

Atli Ísleifsson skrifar
Næstu daga verður norðaustanáttin allsráðandi með áframhaldandi éljum um norðanvert landið en syðra mun létta til.
Næstu daga verður norðaustanáttin allsráðandi með áframhaldandi éljum um norðanvert landið en syðra mun létta til. Vísir/Vilhelm

Veðurstofan spáir norðaustanátt á landinu í dag, yfirleitt átta til fimmtán metrar á sekúndu, þar sem hvassast verður við Breiðafjörð og á sunnanverðu Snæfellsnesi.

Í hugleiðingum veðurfræðings segir að norðan- og austanlands verði éljagangur en á Suðurlandi hangi lítið lægðardrag með dálítilli rigningu eða slyddu. Kólnandi veður, frost núll til níu stig seint í kvöld.

„Næstu daga verður norðaustanáttin allsráðandi með áframhaldandi éljum um norðanvert landið en syðra mun létta til.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á þriðjudag: Norðaustan 8-15 m/s og él, en þurrt að kalla og birtir til er líður á daginn sunnantil. Frost 0 til 7 stig.

Á miðvikudag: Norðaustan 5-13 m/s, él og frost 2 til 8 stig, en léttskýjað og hiti í kringum frostmark sunnantil.

Á fimmtudag og föstudag: Fremur hæg norðlæg eða breytileg átt og þurrt og bjart að mestu, en skýjað og dálítil él um landið austanvert. Áfram kalt í veðri og talsvert næturfrost inn til landsins.

Á laugardag og sunnudag: Útlit fyrir austlæga átt með snjókomu eða slyddu sunnantil, en að mestu skýjað og lengst af þurrt um norðanvert landið. Hiti breytist lítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.