Innlent

Stál­heppinn tippari vann 104 milljónir króna

Árni Sæberg skrifar
Tippari úr Kópavogi á nú heilan sand af seðlum.
Tippari úr Kópavogi á nú heilan sand af seðlum. Getty

Hæsti vinningur í sögu Íslenskra getrauna vannst í gær þegar íslenskur tippari búsettur í Kópavogi fékk þrettán rétta á Enska getraunaseðilinn og varð 104 milljónum króna ríkari.

Tipparinn tvítryggði átta leiki, þrítryggði einn leik og fjórir leikir voru með einu merki. Getraunaseðillinn kostaði tipparann 10.752 krónur og ávaxtaði hann fé sitt því tæplega tíu þúsund falt.

Síðasti leikur seðilsins var stórleikur Manchester United og Leicester sem fram fór í gær. Leikurinn endaði með jafntefli en fyrir leik var ljóst að yrði það niðurstaðan myndi tipparinn fá þrettán rétta og 104 milljónir króna. Hefði Fred ekki jafnað fyrir Manchester United og tryggt þeim jafntefli hefði maðurinn samt sem áður fengið þrettán rétta en aðeins 65 milljónir króna.

Tipparinn hlýtur því að kunna Brasilíumanninum knáa sínar bestu þakkir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×