Innlent

Biðla til fólks að fara ekki yfir Öxnadalsheiði

Hallgerður Kolbrún E. Jónsdóttir skrifar
Verulega vond færð er á Öxnadalsheiði þessa stundina. Myndin er ótengd fréttinni. 
Verulega vond færð er á Öxnadalsheiði þessa stundina. Myndin er ótengd fréttinni.  Vísir/Vilhelm

Lögreglan á Norðurlandi eystra biðlar til fólks að leggja ekki af stsað á Öxnadalsheiði vegna lélgrar færðar og umferðaróhapps.

Umferðaróhapp varð í Bakkaselsbrekku á Öxnadalsheiði núna í morgun og er vegurinn þar því lokaður á meðan björgunaraðilar eru á leið á vettvang. 

Þá er afar slæmt skyggni og ófærð og biðlar lögreglan til ferðalanga að leggja ekki af stað á heiðina og bíða frekar eftir fréttum eða hafa samband við Vegagerðina og kanna ástandið. 

Þetta segir í Facebook-færslu lögreglunnar en þar segir að hún verði uppfærð þegar í ljós kemur hvort hægt verður að opna veginn. 

Verulega vondu veðri er spáð á landinu öllu síðdegis í dag og fram á morgundag. Appelsínugular viðvaranir eru í gildi á öllu landinu í kvöld og rauðar viðvaranir taka gildi klukkan 19 í kvöld á höfuðborgarsvæðinu, Suðurlandinu og Faxaflóa.

Veður Samgöngur Óveður 21. og 22. febrúar 2022 Akrahreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið