Íslenski boltinn

Tvíburarnir frá Sandgerði á Selfoss

Ingvi Þór Sæmundsson skrifar
Íris Una og Katla María Þórðardætur leika með Selfossi næstu tvö árin.
Íris Una og Katla María Þórðardætur leika með Selfossi næstu tvö árin. selfoss

Tvíburasysturnar Katla María og Íris Una Þórðardætur eru gengnar í raðir Selfoss frá Fylki. Þær skrifuðu undir tveggja ára samning við Selfoss.

Katla og Íris, sem eru frá Sandgerði, hófu ferilinn með Keflavík en fóru til Fylkis fyrir tveimur árum.

„Íris og Katla eru ungir en þó nokkuð leikreyndir leikmenn sem hafa spilað upp öll yngri landsliðin. Þær eru báðar mjög fastar fyrir og ósérhlífnar. Fyrir utan það eru þær að mörgu leyti ólíkir leikmenn, Katla er mjög róleg á boltanum og mun hjálpa okkur að vernda boltann miðsvæðis á meðan Íris er með mjög góðar spyrnur, bæði með hægri og vinstri sem gefur okkur möguleika á nota hana beggja vegna í varnarlínunni og eiga möguleika á að leita bæði inn í völlinn með bakvarðarspili og út í kantinn,“ segir Björn Sigurbjörnsson, þjálfari kvennaliðs Selfoss, í fréttatilkynningu frá félaginu.

Katla og Íris báðar leikið 45 leiki í efstu deild og einnig rúmlega fimmtíu leiki í næstefstu deild á ferilskránni. Þær hafa leikið fjölda leikja fyrir öll yngri landslið Íslands.

Selfoss endaði í 4. sæti Pepsi Max-deildar kvenna á síðasta tímabili.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.