Fótbolti

Þróttarar Reykjavíkurmeistarar í fyrsta sinn eftir stórsigur

Hjörtur Leó Guðjónsson skrifar
Þróttur Reykjavík tryggði sér Reykjavíkurmeistaratitilinn með stórsigri í kvöld.
Þróttur Reykjavík tryggði sér Reykjavíkurmeistaratitilinn með stórsigri í kvöld. Vísir/Hulda Margrét

Þróttur Reykjavík varð Reykjavíkurmeistari kvenna í fyrsta sinn í sögu félagsins með 6-1 stórsigri gegn Fjölni í kvöld.

Ekki hafa öll lið leikið alla sína leiki á mótinu, en Þróttarar hafa þrátt fyrir það tryggt sér titilinn. 

Þróttur tapaði ekki leik og endar mótið með 16 stig eftir fimm sigra og eitt jafntefli. Liðið skoraði 25 mörk á mótinu og fékk aðeins á sig fimm.

Valur var eina liðið sem átti raunverulegan möguleika á að skáka Þrótturum í baráttunni um Reykjavíkurmeistaratitilinn fyrir leik kvöldsins, en þeim nægir nú jafntefli gegn Fylki á föstudaginn eftir viku til að tryggja sér annað sætið.

Fjölniskonur enda hins vegar í fjórða sæti með níu stig.




Fleiri fréttir

Sjá meira


×