Sport

Segir að hann muni mæta Gunnari í mars

Ingvi Þór Sæmundsson skrifar
Gunnar Nelson hefur ekki keppt síðan í september 2019.
Gunnar Nelson hefur ekki keppt síðan í september 2019. vísir/getty

Brasilíumaðurinn Cláudio Silva segir að hann muni mæta Gunnari Nelson á bardagakvöldi í London í mars.

UFC verður með bardagakvöld í London 19. mars. Þetta verður fyrsta bardagakvöldið þar í borg eftir að kórónuveirufaraldurinn braust út.

Silva greindi frá því í gær að hann myndi mæta Gunnari á bardagakvöldinu í London á Instagram. UFC hefur ekki enn staðfest þetta.

Gunnar hefur ekki keppt síðan í september 2019 þegar hann tapaði fyrir Brasilíumanninum Gilbert Burns í Kaupmannahöfn. Gunnar hefur tapað þremur af síðustu fjórum bardögum sínum.

Gunnarskrifaði nýverið undir nýjan samning við UFC. Samningurinn hljóðar upp á fimm bardaga.

Silva, sem er 39 ára, á sjö bardaga í UFC á ferilskránni. Hann vann fyrstu fimm bardagana en hefur tapað síðustu tveimur. Síðasti bardagi hans var gegn Court McGee í Las Vegas í maí í fyrra.

MMA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.