Sport

Djoko­vic sendur úr landi: Fær ekki að verja titilinn í Ástralíu

Runólfur Trausti Þórhallsson skrifar
Djokovic hefur verið vísað úr landi.
Djokovic hefur verið vísað úr landi. AP

Tenniskappinn Novak Djokovic hefur tapað dómsmáli sínu í Ástralíu og verður sendur úr landi. Hann fær því ekki tækifæri til að verja titil sinn en hann hefur unnið Opna ástralska undanfarin þrjú ár.

Novak Djokovic hefur verið á sóttvarnarhóteli síðan hann kom til Ástralíu þar sem hann er óbólusettur og mistök urðu á vegabréfsáritun hans. Eftir á skýringar hans voru þær að hann hefði fengið Covid-19 seint á síðasta ári en það hefði gleymst að skrá það svo það kom ekki fram er pappírar hans voru skoðaðir í Ástralíu.

Fyrir tveimur dögum var tilkynnt að Djokovic yrði vísað úr landi en hann áfrýjaði dómnum. Sá dómur hefur nú verið staðfestur.

Djokovic er í efsta sæti heimslistans og gerði sér vonir um að vinna Opna ástralska í tíunda skipti, þar af fjórða árið í röð. Hann er „mjög vonsvikinn“ með niðurstöðu dómara en ætlar að virða dóminn og yfirgefa landið segir í frétt breska ríkisútvarpsins um málið.

„Ég mun vinna með yfirvöldum varðandi brottför mína frá landinu,“ sagði hann í yfirlýsingu en óvíst er hvenær hann mun yfirgefa Ástralíu.

Scott Morrison, forsætisráðherra Ástralíu, fagnaði ákvörðuninni. „Við viljum að landamæri okkar séu sterk til að halda Áströlum öruggum. Við höfum fórnað mörgu á tímum veirunnar og fólk landsins ætlast til að þær fórnir séu ekki til einskis,“ sagði Morrison.

Novak Djokovic er 34 ára gamall Serbi. Hann er í efsta sæti heimslistans í tennis, hann hefur unnið 989 tennisleiki á ferlinum og aðeins tapað 199, það gerir 83,2 prósent sigurhlutfall. Hann hefur unnið 20 risamót á ferlinum, þar af Opna ástralska níu sinnum.


Tengdar fréttir

Ástralar vísa Djokovic úr landi

Yfirvöld í Ástralíu hafa tekið þá ákvörðun að fella vegabréfsáritun serbnesku tennisstjörnunnar Novak Djokovic úr gildi öðru sinni.

Djokovic vann málið og má koma inn í Ástralíu

Serbneski tennisleikarinn Novak Djokovic hefur fengið leyfi til að koma inn í Ástralíu eftir að hafa unnið áfrýjun sína um brottvísun úr landi vegna brota á reglu um bólusetningaskyldu.

Djokovic ekki hleypt inn í Ástralíu

Novak Djokovic, efsti maður heimslistans í tennis, fær ekki að fara inn í Ástralíu vegna vandræða í tengslum við vegabréfsáritunar hans. Hann er skráður til leiks í Opna ástralska meistaramótinu í tennis sem hefst 17. janúar.

Djoko­vic fær undan­þágu og getur varið titilinn í Ástralíu

Tenniskappinn Novak Djokovic hefur ekki viljað gefa upp hvort hann sé bólusettur eður ei. Það stefndi þátttöku hans á Opna ástralska meistaramótinu í tennis í hættu en nú hefur Serbinn staðfest að hann verði meðal keppenda á mótinu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.