Fótbolti

Barcelona á­fram eftir nauman sigur á þriðju deildar­liði

Runólfur Trausti Þórhallsson skrifar
Ousmane Dembele jafnaði metin fyrir Börsunga í kvöld.
Ousmane Dembele jafnaði metin fyrir Börsunga í kvöld. Mateo Villalba/Getty Images

Barcelona vann nauman 2-1 sigur á smáliðinu Linares Deportivo í spænska konungsbikarnum í knattspyrnu í kvöld.

Þó Barcelona hafi ekki stillt upp sínu sterkasta liði í kvöld voru samt sem áður reynsluboltar á borð við Jordi Alba, Sergio Busquets og Daniel Alves, sem var að spila sinn fyrsta leik fyrir Börsunga í 2054 daga, ásamt nokkrum byrjunarliðsmönnum.

Börsungar áttu samt í stökustu vandræðum með spræka heimamenn, sem leika í C-deild, og kom Hugo Diaz þeim yfir á 19. mínútu. Reyndist það eina mark fyrri hálfleiks og staðan því 1-0 Linares Deportivo í vil er liðin gengu til búningsherbergja.

Xavi, þjálfari Barcelona, brást við með þrefaldri skiptingu í hálfleik. Frenkie de Jong, Gerard Pique og Ousmane Dembele komu allir inn af bekknum. Sá síðastnefndi jafnaði metin á 64. mínútu leiksins og sex mínútum síðar kom Ferran Jutgla gestunum 2-1 yfir.

Reyndist það sigurmark leiksins og Börsungar skríða þar með áfram í næstu umferð spænska konungsbikarsins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.