Alvarlega slasaður eftir misheppnaðan framúrakstur Hallgerður Kolbrún E. Jónsdóttir skrifar 27. desember 2021 11:43 Einn slasaðist alvarlega þegar tveir bílar lentu saman á Suðurlandsvegi í síðustu viku. Vísir Ökumaður jeppa, sem lenti í árekstri á Suðurlandsvegi 20. desember síðastliðinn, slasaðist alvarlega í árekstrinum. Jepplingur, sem reynt hafði framúrakstur, lenti framan á bílnum með þessum alvarlegu afleiðingum. Þetta kemur fram í tilkynningu frá lögreglunni á Suðurlandi en fjögur umferðarslys voru tilkynnt á rétt rúmlega tveggja klukkustunda tímabili 20. desember. Fyrst var það bílvelta á Þjórsárdalsvegi þar sem meiðsl ökumanns bílsins voru minniháttar. Lögregla greindi frá því þennan dag að talsverð hálka var á vegum í umdæminu og valt önnur bifreið út af Biskupstungnabraut en ökumaður var einn í bílnum og taldi sig ekki þurfa flutning með sjúkrabíl af vettvangi. Reyndi framúrakstur sem tókst ekki Önnur velta varð sama dag á Eyrarbakkavegi en í bifreiðinni var par með tvö börn, sem öll voru flutt á heilbrigðisstofnun til aðhlynningar en þau ekki talin alvarlega slösuð. Loks varð árekstur tveggja bifreiða á Suðurlandsvegi í Flóa þar sem jeppi og jepplingur rákust á en þeim var ekið úr gagnstæðum áttum. Ökumaður jepplingsins var einn á ferð og virðist vera sem hann hafi verið að taka fram úr röð bíla og ekki næáð að ljúka framúrakstrinum og því lent framan á jeppanum. Ökumaður jepplingsins var lítið slasaður en bíll hans valt og endaði á hvolfi úti í vatnsfylltum skurði. Hann komst út með aðstoð annarra vegfarenda. Ökumaður jeppans var fastklemmdur og alvarlega slasaður og þurfti tækjabúnað slökkviliðs til að losa hann úr braki bílsins. Farþegi í jeppanum slapp lítið meiddur. Tjón varð á minnst tveimur öðrum bílum vegna braks sem þeyttist frá bílunum sem lentu í árekstrinum. Nokkur tekin fyrir ölvunar- og fíkniefnaakstur Talsvert var um að vera hjá lögreglunni á Suðurlandi síðustu vikuna og talsvert um umferðaróhöpp og umferðarlagabrot. Fullorðin kona brotnaði á hendi eftir að ekið var á hana á bílastæði fyrir aftan Ráðhús Árborgar á Selfossi. Konan var flutt til að hlynningar á heilbrigðisstofnun. Nokkrir voru teknir fyrir fíkniefna- eða ölvunarakstur, þar á meðal einn sem var stöðvaður af lögreglu í gær á Eyrarvegi á Selfossi þar sem skráningarnúmer vantaði aftan á bílinn sem hann ók. Maðurinn reyndist bæði undir áhrifum áfengis og fíkniefna auk þess sem hann hafði verið sviptur ökurétti vegna fyrri brota. Annar var stöðvaður vegna undarlegs aksturs í síðustu viku og reyndist hann ölvaður. Þá var stúlka stöðvuð í reglubundnu eftirliti á Selfossi og er hún grunuð um akstur undir áhrifum fíkniefna. Tveir slökktu sjálfir eld án hjálpar slökkviliðs Sex ökumenn voru þá ákærðir fyrir of hraðan akstur. Ökumaður vöruflutningabíls var þá stöðvaður á Suðurlandsvegi við Reykjavík en sá reyndist með útrunnin ökuréttindi. Bifreiðin var kyrrsett og honum gert að útvega bílstjóra með gild réttindi. Annar ökumaður vöruflutningabíls var stöðvaður og ákærður fyrir að vera ekki með ökumannskort með sér. Rekstrarðili bílsins sætir einnig ákæru vegna þessa. Slökkvilið Brunavarna Árnessýslu var kallað út vegna elds í íbúðarhúsnæði í síðustu viku. Annars vegar þegar eldur kom upp í kertaskreytingu á heimili á Selfossi. Íbúar hússins höfðu vaknað við flaut reykskynjara og náðu sjálfir að slökkva eldinn en nokkurt tjón varð af reyk í íbúðinni. Fólki varð ekki meint af. Þá kom upp eldur í íbúðarhúsnæði í fjölbýli á Höfn á Þorláksmessukvöld. Starfsmaður félagsþjónustu varð eldsins var og slökkti hann með því að bera vatn á eldinni en hann var í gardínu sem hafði fallið niður í rúm. Ekki kom til þess að slökkvilið væri kallað til og tjón var minniháttar. Húsráðandi var hins vegar fluttur á sjúkrastofnun til aðhlynningar. Lögreglumál Slökkvilið Samgönguslys Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Tveggja vikna tvíburasystrum vísað úr landi Innlent Ragnhildur tekur við Kveik Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent Fleiri fréttir „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Sjá meira
Þetta kemur fram í tilkynningu frá lögreglunni á Suðurlandi en fjögur umferðarslys voru tilkynnt á rétt rúmlega tveggja klukkustunda tímabili 20. desember. Fyrst var það bílvelta á Þjórsárdalsvegi þar sem meiðsl ökumanns bílsins voru minniháttar. Lögregla greindi frá því þennan dag að talsverð hálka var á vegum í umdæminu og valt önnur bifreið út af Biskupstungnabraut en ökumaður var einn í bílnum og taldi sig ekki þurfa flutning með sjúkrabíl af vettvangi. Reyndi framúrakstur sem tókst ekki Önnur velta varð sama dag á Eyrarbakkavegi en í bifreiðinni var par með tvö börn, sem öll voru flutt á heilbrigðisstofnun til aðhlynningar en þau ekki talin alvarlega slösuð. Loks varð árekstur tveggja bifreiða á Suðurlandsvegi í Flóa þar sem jeppi og jepplingur rákust á en þeim var ekið úr gagnstæðum áttum. Ökumaður jepplingsins var einn á ferð og virðist vera sem hann hafi verið að taka fram úr röð bíla og ekki næáð að ljúka framúrakstrinum og því lent framan á jeppanum. Ökumaður jepplingsins var lítið slasaður en bíll hans valt og endaði á hvolfi úti í vatnsfylltum skurði. Hann komst út með aðstoð annarra vegfarenda. Ökumaður jeppans var fastklemmdur og alvarlega slasaður og þurfti tækjabúnað slökkviliðs til að losa hann úr braki bílsins. Farþegi í jeppanum slapp lítið meiddur. Tjón varð á minnst tveimur öðrum bílum vegna braks sem þeyttist frá bílunum sem lentu í árekstrinum. Nokkur tekin fyrir ölvunar- og fíkniefnaakstur Talsvert var um að vera hjá lögreglunni á Suðurlandi síðustu vikuna og talsvert um umferðaróhöpp og umferðarlagabrot. Fullorðin kona brotnaði á hendi eftir að ekið var á hana á bílastæði fyrir aftan Ráðhús Árborgar á Selfossi. Konan var flutt til að hlynningar á heilbrigðisstofnun. Nokkrir voru teknir fyrir fíkniefna- eða ölvunarakstur, þar á meðal einn sem var stöðvaður af lögreglu í gær á Eyrarvegi á Selfossi þar sem skráningarnúmer vantaði aftan á bílinn sem hann ók. Maðurinn reyndist bæði undir áhrifum áfengis og fíkniefna auk þess sem hann hafði verið sviptur ökurétti vegna fyrri brota. Annar var stöðvaður vegna undarlegs aksturs í síðustu viku og reyndist hann ölvaður. Þá var stúlka stöðvuð í reglubundnu eftirliti á Selfossi og er hún grunuð um akstur undir áhrifum fíkniefna. Tveir slökktu sjálfir eld án hjálpar slökkviliðs Sex ökumenn voru þá ákærðir fyrir of hraðan akstur. Ökumaður vöruflutningabíls var þá stöðvaður á Suðurlandsvegi við Reykjavík en sá reyndist með útrunnin ökuréttindi. Bifreiðin var kyrrsett og honum gert að útvega bílstjóra með gild réttindi. Annar ökumaður vöruflutningabíls var stöðvaður og ákærður fyrir að vera ekki með ökumannskort með sér. Rekstrarðili bílsins sætir einnig ákæru vegna þessa. Slökkvilið Brunavarna Árnessýslu var kallað út vegna elds í íbúðarhúsnæði í síðustu viku. Annars vegar þegar eldur kom upp í kertaskreytingu á heimili á Selfossi. Íbúar hússins höfðu vaknað við flaut reykskynjara og náðu sjálfir að slökkva eldinn en nokkurt tjón varð af reyk í íbúðinni. Fólki varð ekki meint af. Þá kom upp eldur í íbúðarhúsnæði í fjölbýli á Höfn á Þorláksmessukvöld. Starfsmaður félagsþjónustu varð eldsins var og slökkti hann með því að bera vatn á eldinni en hann var í gardínu sem hafði fallið niður í rúm. Ekki kom til þess að slökkvilið væri kallað til og tjón var minniháttar. Húsráðandi var hins vegar fluttur á sjúkrastofnun til aðhlynningar.
Lögreglumál Slökkvilið Samgönguslys Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Tveggja vikna tvíburasystrum vísað úr landi Innlent Ragnhildur tekur við Kveik Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent Fleiri fréttir „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent