Handbolti

EM-hópur Íslands í Búdapest

Sindri Sverrisson skrifar
Gísli Þorgeir Kristjánsson hefur leikið vel að undanförnu og er í landsliðshópi Íslands.
Gísli Þorgeir Kristjánsson hefur leikið vel að undanförnu og er í landsliðshópi Íslands. EPA-EFE/Petr David Josek

Nú er orðið ljóst hvaða leikmenn fara fyrir Íslands hönd á Evrópumótið í handbolta karla í janúar, þar sem Ísland mun spila sína leiki í Búdapest, höfuðborg Ungverjalands.

Guðmundur Guðmundsson hefur valið 20 leikmenn sem fara á EM en 16 leikmenn verða svo í liðinu á hverjum leikdegi. Hægt er að skipta út leikmanni fyrir annan í 35 manna hópnum sem Guðmundur valdi áður

Fjórar örvhentar skyttur eru í hópnum en aðeins einn hreinræktaður hægri hornamaður, Sigvaldi Björn Guðjónsson. Skytturnar geta þó leyst hann af.

Leikmannahópinn má sjá hér að neðan og strikað hefur verið yfir þá sem voru í 35 manna hópnum en eru ekki í 20 manna hópnum.


Markverðir:

  • Björgvin Páll Gústavsson, Valur (236/16)
  • Viktor Gísli Hallgrímsson, GOG Håndbold (25/1)
  • Ágúst Elí Björgvinsson, KIF Kolding (41/1)
  • Daníel Freyr Andrésson, Guif (2/0)
  • Grétar Ari Guðjónsson, Cavial Nice (7/0)

Vinstra horn:

  • Bjarki Már Elísson, TBV Lemgo Lippe (82/230)
  • Orri Freyr Þorkelsson, Elverum (1/1)
  • Hákon Daði Styrmisson, Gummersbach (6/23)
  • Vignir Stefánsson, Valur (8/18)

Vinstri skytta:

  • Aron Pálmarsson, Aalborg Håndbold (152/593)
  • Elvar Örn Jónsson, MT Melsungen (46/120)
  • Ólafur Andrés Guðmundsson, Montpellier Handball (133/266)
  • Bjarni Ófeigur Valdimarsson, IFK Skövde HK (0/0)
  • Daníel Þór Ingason, Balingen-Weilstetten (34/9)
  • Einar Þorsteinn Ólafsson, Valur (0/0)
  • Óskar Ólafsson, Drammen (0/0)

Leikstjórnendur:

  • Elvar Ásgeirsson, Nancy (0/0)
  • Gísli Þorgeir Kristjánsson, SC Magdeburg (32/51)
  • Janus Daði Smárason, Frisch Auf Göppingen (49/69)
  • Haukur Þrastarson, Vive Tauron Kielce (20/22)
  • Andri Már Rúnarsson, TVB 1898 Stuttgart (0/0)

Hægri skytta:

  • Teitur Örn Einarsson, SG Flensburg-Handewitt (21/22)
  • Kristján Örn Kristjánsson, Pays d´Aix Universite Club (12/18)
  • Ómar Ingi Magnússon, SC Magdeburg (56/150)
  • Viggó Kristjánsson, TVB 1898 Stuttgart (21/55)
  • Hafþór Vignisson, Stjarnan (0/0)

Hægra horn:

  • Sigvaldi Björn Guðjónsson, Vive Tauron Kielce (39/86)
  • Arnór Þór Gunnarsson, Bergischer (120/341)
  • Finnur Ingi Stefánsson, Valur (1/0)
  • Óðinn Þór Ríkharðsson, KA (14/44)

Línumenn:

  • Arnar Freyr Arnarsson, MT Melsungen (63/76)
  • Elliði Snær Viðarsson, Gummersbach (13/14)
  • Sveinn Jóhannsson, SönderjyskE Håndbold (12/24)
  • Ýmir Örn Gíslason, Die Rhein-Neckar Löwen (52/23)
  • Heimir Óli Heimisson, Haukar (6/9)


Fram kom í máli Guðmundar Guðmundssonar á blaðamannafundinum í dag, eins og Vísir greindi frá í gær, að Haukur Þrastarson ætti við meiðsli að stríða en að þjálfarinn væri í góðu sambandi við hann.

Guðmundur staðfesti jafnframt að hann hefði ætlað sér að velja Hákon Daða Styrmisson áður en Hákon sleit krossband í hné á föstudaginn. Orri Freyr Þorkelsson var því valinn í hans stað og Guðmundur sagði nauðsynlegt, sérstaklega fyrir íslenska landsliðið, að ekki yrði mikið um meiðsli í aðdraganda mótsins og á mótinu.

Íslenska liðið kemur saman til æfinga hér á landi 2. janúar. Íslendingar mæta Litáum í tveimur vináttulandsleikjum á Ásvöllum 7. og 9. janúar áður en þeir halda til Búdapest í Ungverjalandi þar sem riðill Íslands verður leikinn.

Ísland mætir Portúgal 14. janúar, Hollandi 16. janúar og Ungverjalandi 18. janúar. Tvö efstu liðin í riðlinum komast áfram í milliriðil sem verður einnig leikinn í Búdapest.


Tengdar fréttir

Bein útsending: EM-hópur Íslands valinn

Landsliðsþjálfarinn Guðmundur Guðmundsson tilkynnti á blaðamannafundi í dag hvaða leikmenn verða í hópnum sem kemur saman 2. janúar til undirbúnings fyrir EM í handbolta.

Stóru spurningarnir fyrir EM-hópinn

Guðmundur Guðmundsson, þjálfari íslenska karlalandsliðsins í handbolta, tilkynnir tuttugu manna hóp sinn fyrir Evrópumótið í Ungverjalandi og Slóvakíu í dag. Sextán mega vera í hóp í hverjum leik á mótinu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.