Fótbolti

ÍBV landaði bolvíska markahróknum

Sindri Sverrisson skrifar
Andri Rúnar Bjarnason kemur til ÍBV frá Esbjerg í Danmörku.
Andri Rúnar Bjarnason kemur til ÍBV frá Esbjerg í Danmörku.

Andri Rúnar Bjarnason, sem kvaddi Ísland sem einn þeirra sem deila markametinu í efstu deild í fótbolta, verður með í deildinni á nýjan leik næsta sumar, sem leikmaður ÍBV.

ÍBV staðfesti komu Andra Rúnars í dag en Bolvíkingurinn skrifaði undir samning til þriggja ára við félagið. Hann flytur til Vestmannaeyja í janúar.

Andri lék síðast á Íslandi með Grindavík árið 2017 og jafnaði þá markametið með því að skora 19 mörk.

Hann varð svo einnig markakóngur í sænsku 1. deildinni sem leikmaður Helsingborg árið 2018.

Andri fór frá Helsingborg til þýska stórliðsins Kaiserslautern en náði ekki að stimpla sig þar inn. Þessi 31 árs gamli framherji hefur svo verið hjá Esbjerg í Danmörku frá því í ágúst í fyrra.

ÍBV verður nýliði í úrvalsdeildinni á næstu leiktíð og mun leika undir stjórn nýs þjálfara, Hermanns Hreiðarssonar, sem sneri aftur til Eyja eftir að Helgi Sigurðsson ákvað að flytja aftur í höfuðborgina.

Pepsi Max-deild karla ÍBV

Mest lesið


Fleiri fréttir

Sjá meira


×

Mest lesið