Albert og félagar enduðu riðlakeppnina á sigri

Varamaðurinn Thijs Oosting skoraði eina mark leiksins í viðuregin AZ Alkmaar á 87. mínútu og tryggði liðinu þar með sigur. Albert spilaði allan leikinn í liði Alkmaar, en liðið endar með 14 stig í efsta sæti D-riðils.

Í sama riðli sat Rúnar Már Sigurjónsson allan tíman á bekknum fyrir CFR Cluj er liðið vann 2-0 sigur gegn Jablonec, en sigur Cluj þýðir að Randers fer áfram á kostnað Jablonec.

Þá spilaði Alfons Sampsted allan leikinn fyrir Bodø/Glimt er liðið gerði 1-1 jafntefli gegn Zorya. Sigur hefði tryggt Bodø/Glimt efsta sæti riðilsins, en liðið þarf að sætta sig við annað sætið eftir að Roma vann 2-3 sigur gegn CSKA-Sofia.

Úrslit kvöldsins