Fótbolti

For­eldrar Elísu gáfu öllum fjór­tán til á­tján ára krökkum í Eyjum bók dótturinnar

Óskar Ófeigur Jónsson skrifar
Þessar ungu íþróttakonur í Vestmannaeyjum fengu allar bókina hennar Elísu.
Þessar ungu íþróttakonur í Vestmannaeyjum fengu allar bókina hennar Elísu. Instagram/@ibv_vestmannaeyjar

Það er líklegt að flestir íþróttakrakkar í Vestmannaeyjum fari að borða hollari og betri mat eftir veglega gjöf frá Fiskvinnslu VE.

Fiskvinnsla VE ákvað að gefa krökkum og unglingum fæddum frá 2003 til 2007, bæði í hand-og fótbolta, bókina „Næringin skapar meistarann“ eftir Elísu Viðarsdóttur. Bókin er fræðslubók fyrir íþróttafólk og foreldra/forráðamenn, einnig leynast uppskriftir í bókinni ásamt reynslusögum íþróttafólks.

Elísa, er fyrirliði ÍslandsmeistaraVals og íslenska landsliðinu, mætti færandi hendi til Vestmannaeyja í gær, með bækurnar fyrir krakkana en hún kynnti þar bókina sína ásamt því að bjóða upp á áritun.

Það er margsannað að næringin skiptir miklu máli þegar þú stundar íþróttir og ekki síst fyrir börn og unglinga geta grætt mikið á því að borða rétt á árum þegar þau eru hvað mest að vaxa og dafna.

„Foreldrar mínir eru svo mikið eðal fólk, heiðarleg og alltaf tilbúin að gefa af sér. Hjartað slær svo sannarlega fyrir ÍBV og æskuna í eyjum Eyjarnar eru heppnar að eiga fólk eins og þau,“ skrifaði Margrét Lára Viðarsdóttir þegar hún deildi fréttinni um gjöfina á fésbókarsíðu sinni.

Elísa er eins og flestir vita yngri systur Margrétar Láru og foreldrar þeirra eru Viðar Elíasson og Guðmunda Bjarnadóttir.

Viðar, eiginkona hans Guðmunda og fjölskylda hófu rekstur Fiskvinnslu VE. í kringum aldarmótin og var það þá eitt af fáum fiskvinnslufyrirtækjum í Eyjum rekin af einstaklingum.

Bókin „Næringin skapar meistarann“ er eftir Elísu Viðarsdóttur og gefin út af Sögur útgáfu. Hér fyrir neðan má sjá kynningu á bókinni á heimasíðu útgáfunnar.

  • Hvernig getur íþróttafólk hámarkað árangur sinn og náð jafnvel enn meiri færni í leik sínum? Geta breyttar áherslur í mataræði fært íþróttamanninn beint á toppinn og í hóp afreksíþróttafólks?
  • -

  • Þetta veit Elísa Viðarsdóttir, næringarfræðingur og fyrirliði Íslandsmeistara Vals í knattspyrnu, sem með þessari aðgengilegu bók tekur saman hagnýtan og áhugaverðan fróðleik um næringu og heilnæmt mataræði og deilir með lesendum girnilegum og einföldum uppskriftum. Elísa á að baki tæplega 200 leiki með meistaraflokki og yfir 40 leiki með A-landsliði kvenna. Hún veit að til þess að komast á toppinn í íþróttum skiptir mataræðið öllu máli. Rétt fæða breytir leiknum!
  • -

  • Við fáum að auki innsýn í matarvenjur tólf landsþekktra íþróttamanna, þegar við fylgjum m.a. þeim Söru Björk Gunnarsdóttur, Björgvini Páli Gústavssyni, Martin Hermannssyni og Lovísu Thompson í gegnum leikdaginn.
  • -

  • Bókin geymir einfaldar og bragðgóðar uppskriftir með eingöngu fimm hráefnum í hverjum rétti sem tryggir að allir finna eitthvað við sitt hæfi.



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.